Vreugde: 'n Aftelling tot by KersfeesVoorbeeld

'n Kosbare Geskenk 

Toe die wyse manne uit die ooste gekom het om Jesus te aanbid, het hulle duur geskenke van goud, wierook en mirre saam met hulle gebring.

Verbeel jou die verleentheid as Maria en Josef gesê het: "Ons waardeer die gedagte, maar hierdie geskenke is net te goed vir ons, dus kan ons dit nie aanvaar nie."

Dit klink belaglik, en tog is dit maklik om so te reageer wanneer God ons wil seën. 

Wanneer ons Jesus as ons Here en Verlosser aanvaar, gee Hy vir ons sy Heilige Gees, wat goeie vrugte in ons lewens voortbring en ons meer soos Hy maak. Vreugde is een van daardie geskenke. 

Ongelukkig mis ons dikwels vreugde, omdat ons dinge doen wat nie tot eer van God is nie of as jy jouself onwaardig ag vir Christus se liefde. As jy egter vir Christus toelaat om jou hart en gedagtes te verander, begin jy jouself sien soos Hy jou sien: deur Hom geroep en gered deur sy bloed. Soos jy vir Jesus liewer word, begin jy sy geskenke begeer en oneerbiedige gedrag word minder aanloklik.

Onthou vandag dat God jou meer liefhet as die lewe self: dis hoekom Hy lank gelede gekies het om as 'n baba aarde toe te kom. Daar is niks wat Hy nie sal doen om jou nader aan Hom te trek nie. 

Dis as gevolg van Kersfees dat jy die grootste geskenk van alle tye kan aanvaar: die vreugde wat kom as jy Jesus Christus as Verlosser, Here en geliefde van jou lewe ken.  

Bid hierdie Gebed: 

Dankie Here, vir die geskenk Jesus, en die vrug van die Heilige Gees. Dankie dat U as 'n baba aarde toe gekom het sodat ek die ewigheid saam met U kan deurbring. Vandag, en elke dag, kies ek om U met vreugde te aanbid, omdat ek U liefhet.