Wat Jesus Oor Vergifnis Gesê HetVoorbeeld

Om God te vergewe (2)

Die vraag is: Hoe kan jy jou rebellie, woede en bitterheid teen God oorkom? Die volgende is 'n paar dinge wat jy kan doen wat die mag van bitterheid en haat teenoor God sal breek:

1. Vra God om Homself aan jou te openbaar: sy karakter, sy weë, sy werke, sy Vaderskap, sy soewereiniteit. Jy moet begin met die regte perspektief op wie God is. Maak 'n studie van God. Na die mate wat daar groei plaasvind in jou begrip van wie God is, sal jy God “vergewe” en 'n gewilligheid ervaar om jouself oor te gee aan sy oneindige liefde, deernis en wysheid.

2. Wees heeltemal eerlik met God en verduidelik jou klagtes en besware aan Hom. Wees so duidelik as moontlik — dit sal jou help om dit neer te skryf en te verseker dat jy jou eie gedagtes en emosies verstaan.

3. Jy sal God moet vra om jou te vergewe vir jou gesindheid. Alhoewel jy mag redeneer dat jy God nie verstaan nie en nie met God saamstem nie, is die gesindheid steeds sonde! Dit is steeds rebellie.

4. Maak 'n lys van dinge waarvoor jy God wil dank. Skryf 50 of 100 dinge neer. Moenie ophou na tien of twintig dinge nie. Neem genoeg tyd om dit te doen. Dit sal help om jou 'n nuwe perspektief te gee op wie God is. Jy sal begin sien waarom God dinge soms anders as jy sien en daarom anders optree.

5. Beveg selfbejammering met alle mag. Selfbejammering is nooit waardevol om die waarheid te vind of te verstaan wat jou pla nie. Dit is nooit waardevol om die regte perspektief op jou huidige situasie te kry nie. Beveg eiegeregtigheid. Verstaan jou beperktheid, jou eindigheid.

Gehoorsaamheid: Vra die Heilige Gees om vir jou enige vorm van selfbejammering in jou hart te wys. Onvergewensgesindheid is die perfekte teelaarde vir selfbejammering. Waar daar selfbejammering is, sal jy altyd bitterheid en onvergewensgesindheid teenoor God vind. Vra God om jou te vergewe vir jou beskuldigings.