Leesplan inligting
Hoe om die Bybel te begin LeesVoorbeeld
Laai die Bybeltoep af
Leer om God deur middel van sy Woord te vertrou
Om God in die lig te vertrou, is niks. Om Hom egter in die duisternis te vertrou, is geloof. — Charles Spurgeon
Om die Bybel elke dag te lees en te leer om daardie waarhede toe te pas, sal ons intimiteit met God oneindig vermeerder. Dit kan baie kere lyk asof die Bybel nie reg is nie. Dis miskien uit voeling met wat ons in ons lewens ervaar. As ons regtig eerlik is, moet ons erken dat dit nie altyd lyk of God goed is nie, want Hy gee ons nie wat ons wil hê of waarvoor ons vra nie.
Wanneer ons tyd maak vir die Woord van God, sal ons sien dat sy planne goed is en dat Hy ons beste belange in gedagte het. Dit is egter SY beste, nie ons beste nie. Hy sien die groter prentjie en weet wat ons nodig het en wanneer ons dit nodig het. Vertroue op God vind plaas wanneer ons sy karakter leer ken.
Om die Woord van God te lees en in ons lewens toe te pas, sal ons help om elke dag meer op Hom te vertrou, want God is getrou aan sy beloftes. Hy maak in die Bybel talle beloftes aan ons wat ons hoop gee wanneer ons dit nodig het. Kom ons kyk net na 'n handjievol daarvan. God belowe …
... as ons ons sondes bely, Hy ons sal vergewe en reinig (1 Johannes 1:9).
... as ons na Hom toe kom wanneer ons moeg is, sal Hy ons rus gee (Matteus 11:28-29).
... as ons Hom volg, ons nooit in die duisternis sal wandel nie (Johannes 8:12).
... as ons in Hom bly, ons baie vrugte sal dra (Johannes 15:5).
... as ons wysheid kortkom, sal Hy dit vrylik gee (Jakobus 1:5).
... as ons glo en bely dat Jesus die Here is, sal ons gered word (Romeine 10:9).
Daar sal dinge wees wat ons lees wat nie sin maak nie of ons selfs sal frustreer, maar soos pastoor Andy Stanley sê: "Jy hoef nie alles te verstaan om in iets te glo nie." Hoe meer ons Hom soek, hoe meer sal ons Hom leer ken. Hoe meer ons Hom leer ken, hoe meer sal ons op Hom vertrou. Wanneer ons dit 'n deel van ons dag maak, leer ons Hom ken as ons gids, raadgewer, trooster, hoopgewer en vredegewer.
Oordink
- Vertrou jy op God en sy Woord? Wat weerhou jou daarvan om Hom te vertrou?
- Staan tyd af om jou bekommernisse en vrese teenoor God uit te spreek. Hy ken hulle alreeds, moet dus nie iets wegsteek nie. Vra Hom dan om jou te help om Hom te vertrou met alles wat jou neerdruk.
Aangaande hierdie leesplan
Kom ons wees nou eerlik: ons weet dat dit 'n goeie idee is om die Bybel te lees, maar dit is redelik moeilik om te weet waar om te begin. Oor die volgende vier dae sal ons leer hoekom die Bybel belangrik is, hoe om 'n da...
More
