Om Goddelike Doelwitte te StelVoorbeeld

Ek het in 2006 begin om 'n karakterskets te maak van die vrou in Spreuke 31. Ek het die idee vir 'n titel van 'n boek geskryf, gebaseer op wat ek in 2012 neergeskryf het. Ek het begin onderrig gee oor wat ek in 2013 geleer het.

"Famous in Heaven and at Home" is nie vrygestel voor 2016 nie ... byna 'n dekade nadat ek begin het om daarvoor notas te maak.

Om 'n boek te skryf is harde werk. Ek het 'n aantal ure op 'n slag nodig gehad om in die ritme van fokus te kon kom, wetende dat my kinders versorg, gelukkig en veilig is.

Daardie tydperk het nie voor 2016 aangebreek nie ... dus het die boek nie vroeër die lig gesien nie.

Nadat jy jou doelwitte dus neergeskryf het, dink goed na oor die tyd waarin jy jou tans bevind en die unieke opdragte wat God vir niemand anders as vir jou gegee het nie (soos om sy kind te wees, jou rol in jou gesin, ens.) en maak seker dat geen doelwit in die pad van hierdie prioriteite kom nie.

Vader, ons wil nie in hierdie lewe suksesvol wees met dinge wat nie regtig saak maak nie. Gee ons dus die onderskeidingsvermoë. Help ons om ons prioriteite te eerbiedig. Help ons om die opdragte wat U spesiaal vir ons gegee het, hoog te ag. Ons mag dalk nie die grootste applous kry nie, maar Here, ons weet dat U vir ons 'n beloning belowe as ons kies om U te gehoorsaam. Help ons om alles aan U oor te gee. Ons vertrou U. Amen.

NS. Goeie nuus — jy is nou gereed om doelwitte te stel! 

Hier is 'n kort hersiening om jou doelwitte te help evalueer, gebaseer op die oorsig van die afgelope sewe dae (plus 'n paar bonuswenke!):

1.  Vul my doelwitte my prioriteite en waardes aan?

2.  Kompeteer my doelwitte met mekaar of bou die een op die ander?

3.  Is my doelwitte spesifiek?

4.  Is God se krag en my inspanning nodig om hierdie doelwitte te bereik?

5.  Vir wie het ek vertel en wie bid saam met my oor my doelwitte? 

6.  Spoor my doelwitte my aan tot vrygewigheid?

7.  Help my doelwitte my om my werk goed en regverdig te doen?

8.  Sal ek tevrede wees ongeag die eindresultaat? 

As jy hierdie leesplan geniet het sal jy sekerlik ook hou van ons gemeenskap vir vroue wat poog om God EERSTE te hou in die lewe, tuis en by die werk. Kyk na 'n komplimentêre klas hier .