Rick Warren se Daaglikse OordenkingsVoorbeeld

Wat weerhou jou van jou doelwit?

Vra jouself af: "Hoekom het ek nog nie my doelwit bereik nie?" Wat is die versperrings, struikelblokke en blokkades in jou pad?

Miskien is dit 'n finansiële, verhouding of akademiese probleem wat jou terug hou. Vir sommige mense is dit 'n emosionele hindernis. Baie mense saboteer hulle eie sukses, want hulle dink hulle verdien dit nie. Wat jou hindernis ook al is, jy moet dit identifiseer alvorens jy vorentoe kan beweeg.

In Genesis 24, het Abraham se slaaf verskeie hindernisse gehad voordat hy sy doel kon bereik om vir Isak 'n vrou te kry. Hy moes uitvind hoe om na 'n land te gaan waar hy nog nooit was nie, en dan nog die regte vrou op te spoor wat hy nog nooit ontmoet het nie. Hy moes haar dan oorreed om saam met hom terug te gaan na 'n vreemde land om met 'n vreemdeling te gaan trou. En natuurlik moes hy haar ouers ook oorreed om haar te laat gaan! Die meeste mense sal hierna verwys as 'n onmoontlike taak.

Ek het vandag vir jou 'n taak. Skryf jou doelwitte op 'n papier neer en skryf dan al jou hindernisse ook neer. Hoekom vra ek jou om dit te doen? Want jy kan nie 'n hindernis verwyder as jy nie eers identifiseer het wat dit is nie.