Распаліце духоўны вагонь у вашым шлюбеУзор

“У шлюбе як манах” Шмат сямейных спрэчак узьнікаюць з-за расчараваньня ў нашых сужонках. Мы хочам, каб яны былі такімі, якімі не зьяўляюцца, ці рабілі й заўважалі тое, што яны ня могуць. Тады мы пачынаем шкадаваць сябе. Насамрэч мы хочам, каб яны любілі нас так, як Бог. Мы хочам, каб яны проста адчувалі, што ў нас быў кепскі дзень, што мы хлусім, калі кажам: “Не турбуйся. Нічога страшнага. Мне нічога ня трэба”. Хочам, каб яны былі моцнымі ці мяккімі, саступілі ці моцна абнялі, проста таму што нам гэта патрэбна. Калі чалавек мяне любіць, ён здагадаецца. Будзьма шчырымі: часам мы так думаем. Вы ж разумееце, што гэта невыносны цяжар для чалавека? А калі ўявіць, што ў шлюбе вы як манах? Калі вырашыць залежыць толькі ад Бога, нічога не чакаць ад свайго сужонка, а аддаваць усе свае патрэбы Богу? Уключна з эмацыйнымі патрэбамі й патрэбай у стасунках? Тады замест таго, каб засмучацца ад таго, што не выконвае мой сужонак, вы будзеце захапляцца нават маленькімі рэчамі, якія ён робіць. Замест гаркоты вы напоўніцеся ўдзячнасьцю. Ці ў шлюбе не адбываецца акурат наадварот? Калі мы сустракаемся зь кімсьці й той робіць нешта прыемнае для вас, вы думаеце: як цудоўна! Калі вы ажаніліся з гэтым чалавекам, і той не дацягвае да пэўнага ўзроўню, вы думаеце: і гэта ўсё, што ён можа мне даць? Вы сур'ёзна? Таму я хачу быць у шлюбе, як манах: мець прывілей быць жанатым з веруючай жанчынай, але мець стаўленьне манаха: нічога не чакаць, залежаць ад Бога і таму быць шчыра ўдзячным за ўсе дабраславеньні, якія мая жонка захоча мяне падарыць. * Вашае стаўленьне да мужа/жонкі поўніцца падзякай ці горыччу? Як "манаскае сужэнства" можа палепшыць вашы стасункі?