Распаліце духоўны вагонь у вашым шлюбеУзор

“У чаканьні будучага жыцьця” Запытайцеся ў сябе: як часта ў сваім шлюбе я трапляю ў пастку й спрачаюся пра рэчы, якія, у рэшце рэшт, не істотныя? Як шмат сямейных пытаньняў былі б вырашаныя, калі б пары проста чыталі разам Нагорную казань раз на месяц? Я не хачу прынізіць тое, што на зямлі — ня трэба гэтага рабіць — а хачу ўзвысіць тое, што ў небе. Джонатан Эдвардс напісаў: “Айцы й маці, мужы, жонкі ці дзеці, суполка сяброў на зямлі — усё гэта толькі цені, але радасьць ад лучнасьці з Богам — сапраўдная. Усё гэта — расьсеяныя промні, а Бог — сонца. Усё гэта — крыніцы, а Бог — фантан. Усё гэта — кроплі, а Бог — акіян.” Гэта азначае, што мы мусім не губляць фокус, нашага неверагоднага прадмета захапленьня, інакш мы можам аддаць усю ўвагу меншым (хаця й істотным) рэчам: спрабаваць палепшыць нашы навыкі камунікацыі, прывесьці ў парадак фінансы, намагацца падтрымліваць рамантычныя стасункі й гэтак далей. Мы мусім памятаць, што ўсё гэта — ня цэнтар жыцьця й ня яго мэта. Урэшце, як Эдвард нагадвае нам, “ Калі б наша жыцьцё не было дарогай у нябёсы, яно было б дарогай у пекла". Калі вы сапраўды хочаце, каб гэта споўнілася ў вашым жыцьці, размаўляйце са сваім сужонкам і/ці з сябрамі штомесяц. Запытайцеся адно ў аднаго: “Як спадзяваньне на жыцьцё ў нябёсах уплывае на тое, як мы любім адно аднаго, выхоўваем нашых дзяцей, выдаткоўваем грошы, трацім час?” * Як спадзяваньне на жыцьцё ў нябёсах уплывае на ваша з сужонкам штодзённае жыцьцё? Як бы памянялася ваша штодзённае жыцьцё, калі б вы ўвесь час думалі пра вечнасьць?