Распаліце духоўны вагонь у вашым шлюбеУзор

“Спачатку шукайце Валадарства” Калі Хрыстос загадаў нам "спачатку шукаць Валадарства Божае", як добры шлюб, які шануе Бога, можа быць па-за гэтым? Нам не сказана спачатку шукаць блізкіх стасункаў у шлюбе, шчасьця, паслухмяных дзяцей ці чагосьці яшчэ. Ісус сказаў сьпярша шукаць толькі адну рэч: Яго Валадарства й Яго праведнасьць (гэтыя дзьве рэчы вызначаюць і дапаўняюць адна адну, ствараючы адзіную мэту). Добры шлюб ня толькі трымаецца на пошуку Валадарства, але гэты пошук зьяўляецца ўмовай блізкасьці пасьля зьнікненьня першай закаханасьці. Жыцьцё й шлюб бяз мэты губляюць сваю прыгажосьць. “Сёньня мы прагнем узаемадзеяньня, сувязі, зладжанай працы, як у пары скалалазаў, якія ўзыходзяць на гару, і абдымкаў напрыканцы дня. Бог глыбока ўклаў гэтае прагненьне ў кожную сужонскую пару. Гэта больш за прагу мець кампаньёна. Больш за прагу стварыць новае жыцьцё. Гэта прага іншага кшталту: прага стварыць нешта вялікае разам. Паводле Божага Слова, мы злучаныя, каб нешта памяняць. Мы ажаніліся дзеля нейкай місіі.” “Жыцьцё дзеля місіі” можа ажывіць мноства шлюбаў, у якіх сужонкі думаюць, што згубілі прыязнасьць; я падазраю, што мноства з такіх пар згубілі мэту. Словы Ісуса, якія Ён прамаўляў у Мацьвея 6:33, нават больш праўдзівыя ў шлюбе. Мы знаходзім сваё жыцьцё, аддаючы яго. Калі мы факусуемся на нечым па-за нашым шлюбам, ён узмацняецца. * Ці ваш шлюб і місія адзіныя? Як вы й ваш сужонак можаце жыць больш поўным жыцьцём дзеля місіі як пара?