Апошнія зьмены 2 красавіка, 2020

Згода з гэтымі ўмовамі карыстаньня

Карыстаючыся ўэб-старонкамі, паслугамі й мабільнымі дадаткамі ад YouVersion (разам "YouVersion"), як госьць альбо як зарэгістраваны карыстальнік, вы прымаеце і згаджаецеся з гэтымі ўмовамі карыстаньня. Калі ласка, уважліва прачытайце гэтыя ўмовы карыстаньня, а таксама палітыку прыватнасьці YouVersion перад тым, як пачаць карыстацца YouVersion. Калі вы ня згодныя з гэтымі ўмовамі карыстаньня альбо з палітыкай прыватнасьці YouVersion, то вы не павінны карыстацца YouVersion.

Зьмены ва ўмовах карыстаньня

YouVersion прапануецца Life.Church Operations, LLC ("Life.Church", "мы", "нам" або "нас"). Мы можам пераглядаць гэтыя ўмовы час ад часу на нашае ўласнае меркаваньне. Зьмены набываюць сілу, калі мы іх публікуем. Вашае сталае карыстаньне YouVersion пасьля апублікаваньня перагледжаных умоваў азначае, што вы прымаеце зьмены й пагаджаецеся зь імі.

Калі YouVersion прадстаўляе вам пераклад ангельскае вэрсіі палітыцы прыватнасьці, то вы згаджаецеся, што такі пераклад забясьпечваецца выключна дзеля зручнасьці, і што менавіта ангельская вэрсія палітыцы прыватнасьці вызначае вашыя правы пры выкарыстаньні YouVersion. Калі існуюць нейкія супярэчнасьці паміж ангельскай вэрсіяй палітыцы прыватнасьці й перакладам, то менавіта вэрсія на ангельскай мове мае пераважную сілу.

Зьмены ў YouVersion

Хоць мы й спадзяемся заўжды прапанаваць YouVersion і ўсе ягоныя функцыі, мы захоўваем права зьмяняць або перастаць прапаноўваць YouVersion або хоць-якую частку альбо функцыю YouVersion без папярэджаньня. Мы не нясем адказнасьці, калі хоць-якая частка YouVersion будзе недаступнаю ў які-небудзь час.

Інфармацыя пра вас і ваш доступ YouVersion

Уся інфармацыя, якую мы зьбіраем у або празь YouVersion, падпарадкоўваецца нашай палітыцы прыватнасьці. Карыстаючыся YouVersion, вы пагаджаецеся з усімі дзеяньнямі, што мы робім у дачыненьні да вашае інфармацыі згодна з палітыкай прыватнасьці.

Дазволенае і недазволенае выкарыстаньне

Вы можаце карыстацца YouVersion згодна з гэтымі Ўмовамі як дзеля вашага асабістага ды некамэрцыйнага карыстаньня, так і дзеля карыстаньня ў межах вашае некамэрцыйнае арганізацыі. Усе ня выказаныя проста правы належаць Life.Church. Вы пагаджаецеся, што вам не дазволена, і вы ня будзеце выкарыстоўваць YouVersion наступным чынам:

• усякім спосабам, які парушае хоць-які фэдэральны, дзяржаўны, мясцовы альбо міжнародны закон ці статут;
• з мэтаю эксплюатацыі, нанясеньня шкоды або спробы эксплюатацыі або нанясеньня хоць-якое шкоды непаўналетнім, выстаўляючы іх на неадпаведны зьмест, просячы асабістых дадзеных або інш.;
• выдаваць або спрабаваць выдаваць сябе за нейкую арганізацыю або асобу, улучаючы Life.Church або іншага карыстальніка YouVersion;
• паводзіць сябе ўсякім іншым чынам, які, як вызначана намі, можа нанесьці шкоду Life.Church або карыстальнікам YouVersion або прывесьці іх да адказнасьці;
• усякім спосабам, які можа выключыць, перагрузіць, сапсаваць або пашкодзіць YouVersion або перашкодзіць іншым карыстацца YouVersion;
• ужываць хоць-які тып робатаў, павукоў або іншых аўтаматычных прыладаў, працэсаў або спосабаў на тое, каб атрымаць доступ да YouVersion дзеля хоць-якое мэты, улучаючы маніторынг або капіяваньне хоць-якога матэрыялу зь YouVersion;
• усоўваць хоць-якія вірусы, траянскія кані, чарвякі, лягічныя бомбы або іншыя матэрыялы, якія зьяўляюцца шкоднымі або тэхналягічна шкадлівымі;
• спрабаваць атрымаць несанкцыянаваны доступ, перашкаджаць, шкодзіць або спыняць хоць-якія часткі YouVersion або хоць-якога сэрвэра, кампутара або базы дадзеных, падлучаных да YouVersion;
• атакаваць YouVersion праз атаку накшталт "адмова паслугі" або распаўсюджваць атакі "адмова паслугі"; і
• спрабаваць перашкаджаць належнай працы YouVersion іншымі спосабамі.

Вы таксама пагаджаецеся, што вы ня будзеце дасылаць, сьвядома атрымліваць, спампоўваць, выкарыстоўваць або паўторна выкарыстоўваць хоць-які матар'ял, што:

• зьмяшчае хоць-які матар'ял, які зьяўляецца зьнеслаўляльным, непрыстойным, вульгарным, абразьлівым, крыўдным, даймальным, задзірлівым, ненавідным, правакацыйным або непрыемным іншым чынам;
• прапагандуе матар'ял сэксуальнага альбо парнаграфічнага характару, гвалт або дыскрымінацыю паводле хоць-якое падставы, у тым ліку паводле расы, полу, рэлігіі, нацыянальнасьці, інваліднасьці, сэксуальнае арыентацыі або ўзросту;
• парушае хоць-які патэнт, гандлёвую марку, камэрцыйную таямніцу, аўтарскія правы або іншую інтэлектуальную ўласнасьць альбо іншыя правы хоць-якое іншае асобы;
• парушае юрыдычныя правы (у тым ліку правы на публічнасьць ды на прыватнасьць) іншых асобаў альбо зьмяшчае хоць-які матар'ял, які можа прывесьці да хоць-якое грамадзянскае або крымінальнае адказнасьці паводле законаў або статутаў;
• прапагандуе хоць-якую незаконную дзейнасьць альбо падтрымлівае, прапагандуе або спрыяе хоць-якому незаконнаму дзеяньню;
• зьмяшчае ў сабе камэрцыйную дзейнасьць або продаж накшталт конкурсаў, таталізатараў ды іншых рэклямных акцыяў, тавараабмену або рэклямы; і/або
• стварае ўражаньне, што матар'ял прыходзіць ад або падтрымліваецца Life.Church або хоць-якою іншаю асобаю або юрыдычнаю асобаю, калі тое не зьяўляецца праўдаю.

Уклады карыстальнікаў

YouVersion зьмяшчае інтэрактыўныя функцыі, якія дазваляюць карыстальнікам публікаваць, разьмяшчаць, абагульваць, паказваць або дзяліцца зь іншымі карыстальнікамі або іншымі асобамі кантэнтам або матар'ялам (разам "Унёскі карыстальніка") у або празь YouVersion. Адылі мы не бярэм на сябе забавязаньня пераглядаць унёскі карыстальніка або ўсякі іншы матар'ял перад тым, як ён публікуецца ў або празь YouVersion, і мы ня можам гарантаваць хуткае выдаленьне абразьлівага матар'ялу пасьля таго, як яго апублікавалі. З гэтае прычыны, мы не нясем адказнасьці за хоць-якое дзеяньне або бязьдзейнасьць датычна перадачаў, камунікацыяў або кантэнту, забясьпечаных хоць-якім карыстальнікам або трэцяю асобаю.

Усе ўнёскі карыстальніка павінны адпавядаць гэтым умовам карыстаньня. Робячы хоць-які ўнёсак карыстальніка ў або празь YouVersion, вы даяцё нам, нашым пастаўнікам паслугаў і кожнаму зь іхніх ды з нашых адпаведных ліцэнзіянтаў ды пераемнікаў права карыстацца, перадаваць, рэдагаваць, выконваць, паказваць, ліцэнзіяваць, распаўсюджваць ды раскрываць усякі падобны матар'ял трэцім асобам, каб прапанаваць YouVersion. Вы прадстаўляеце і гарантуеце, што вы валодаеце або кантралюеце ўсе правы ў і да ўнёскаў карыстальніка, і маеце права даваць гэтую ліцэнзію, і што вашыя ўнёскі карыстальніка падпарадкоўваюцца й будуць падпарадкоўвацца гэтым умовам карыстаньня. Мы не нясем адказнасьці перад хоць-якімі трэцімі асобамі за зьмест або дакладнасьць хоць-якіх унёскаў карыстальніка, апублікаваных вамі або хоць-якім іншым карыстальнікам YouVersion.

Бясьпека ўліковага запісу

YouVersion дазваляе карыстальнікам ствараць уліковы запіс ("Сябры"), што патрабуе забесьпячэньня Life.Church пэўнай інфармацыяй. Калі вы абіраеце або калі вам надаецца імя карыстальніка, пароль або падобная інфармацыя, што ёсьць часткаю нашых працэдураў бясьпекі, дык вы пагаджаецеся разглядаць гэтакую інфармацыю як канфідэнцыйную, і вы пагаджаецеся неадкладна паведамляць нам аб усякім несанкцыяваным доступу або выкарыстаньні вашага імя карыстальніка або паролю і аб усякім іншым парушэньні бясьпекі. Мы маем права абясьсіліць усякае імя карыстальніка, пароль або іншы ідэнтыфікатар, абраны вамі або дадзены намі, у хоць-які час калі вы, на нашую думку, парушылі хоць-якую агаворку гэтых умоваў.

Маніторынг і выкананьне; Падпарадкаваньне закону; Спыненьне

Вы згодныя, што мы маем права:

• рабіць хоць-якія дзеяньні ў дачыненьні да хоць-якога карыстальніка, уліковага запісу сябры або ўнёскаў карыстальніка, якія мы самі палічым неабходнымі або адпаведнымі, калі мы лічым, што адбылося парушэньне гэтых умоваў, парушэньне правоў трэціх асобаў, пагроза асабістай бясьпецы іншых, або пагроза, адказнасьць або шкода добрай рэпутацыі, зьвязанай зь YouVersion або Life.Church;
• прымаць адпаведныя меры, у тым ліку без абмежаваньня, накіраваньне ў праваахоўныя ворганы й раскрыцьцё вашае інфармацыі, праз хоць-якое незаконнае або несанкцыяванае выкарыстаньне YouVersion; і/або
• часова прыпыніць або пакласьці канец вашаму доступу да частцы або да ўсяго YouVersion праз усякую або аніякую прычыну, у тым ліку без абмежаваньня, усякае парушэньне гэтых умоваў.

Не абмяжоўваючы папярэдняе, мы маем права цалкам супрацоўнічаць з праваахоўнымі ворганамі або пастановамі суда, што патрабуюць або накіроўваюць нас да раскрыцьця таясамасьці або іншае інфармацыі ўсякае асобы, якая публікуе матар'ялы ў або празь YouVersion. ВЫ АДМАЎЛЯЕЦЕСЯ АД ПРЭТЭНЗІЯЎ ДА LIFE.CHURCH ДЫ ЕЙНЫХ ЛІЦЭНЗІЯНТАЎ І ПАСТАЎНІКОЎ ПАСЛУГАЎ І ЎСІХ ІХНІХ ПРАЦАЎНІКОЎ І ДЫРЭКТАРАЎ, ШТО ЎЗЬНІКЛІ НА ПАДСТАВЕ ХОЦЬ-ЯКОГА ДЗЕЯНЬНЯ ГЭТЫХ ПАПЯРЭДНІХ АСОБАЎ ПАДЧАС АБО Ў ВЫНІКУ ЮРЫДЫЧНЫХ ДАСЬЛЕДАВАНЬНЯЎ І АД УСЯКІХ ДЗЕЯНЬНЯЎ, ПРЫНЯТЫХ У ВЫНІКУ ДАСЬЛЕДАВАНЬНЯЎ LIFE.CHURCH АБО ПРАВААХОЎНЫХ ВОРГАНАЎ.

Ваш давер да інфармацыі

Інфармацыя, зьмешчаная ў або празь YouVersion робіцца даступнай толькі дзеля агульных інфармацыйных мэтаў. Хоць мы й стараемся зьмяшчаць інфармацыю ў YouVersion на розных мовах, пераклады кантэнту YouVersion на мовы, адрозныя ад ангельскае, забясьпечваюцца трэцімі асобамі, і мы не рэпрэзэнтуем і не гарантуем дакладнасьці гэных перакладаў. Мы не гарантуем дакладнасьці, цэласнасьці або карыснасьці гэтай інфармацыі. Вы давяраеце гэтай інфармацыі выключна на свой страх.Мы адмаўляемся ад усякае адказнасьці ды абавязку, што вынікае з гэтага вашага даверу або даверу гэтай інфармацыі ўсякага іншага наведніка YouVersion або ўсякай іншай асобы, якую праінфармавалі пра гэты кантэнт.

Права на інтэлектуальную ўласнасьць

YouVersion і ягоны кантэнт, функцыі ды функцыянальнасьць (улучаючы, але не абмяжоўваючыся, усе дадзеныя, праграмнае забесьпячэньне, тэкст, дысплэі, выявы, відэа ды аўдыё, а таксама дызайн, выбар ды разьмяшчэньне пералічанага вышэй) належаць Life.Church, яе ліцэнзіянтам ды іншым пастаўнікам гэтага матар'ялу, і яны знаходзяцца пад абаронаю міжнародных ды амэрыканскіх законаў аб аўтарскім праве, гандлёвай марцы, патэнтах, камэрцыйнай таямніцы ды іншых законах аб інтэлектуальнай уласнасьці або маёмаснага права.

Лягатыпы й дызайн

Назва і лагатып YouVersion, назва і лагатып Life.Church, лагатып і ўсе звязаныя назвы, лагатыпы, назвы прадуктаў і паслуг, дызайн і слоганы з'яўляюцца гандлёвымі маркамі і/або аўтарскім правам Life.Church. Вы не можаце выкарыстоўваць гэтыя знакі і аўтарскія правы без папярэдняга пісьмовага дазволу Life.Church. Усе іншыя назвы, лагатыпы, назвы прадуктаў і паслуг, дызайн і слоганы на YouVersion з'яўляюцца гандлёвымі маркамі іх адпаведных уладальнікаў.

Парушэньне аўтарскіх правоў

Калі вы лічыце, што нейкія ўнёскі карыстальніка або іншы матэрыял, зьмешчаны на YouVersion, парушае вашыя аўтарскія або іншыя правы, калі ласка зьвяжэцеся з нашым прадстаўніком праз (а) пошту: Legal Department, Life.Church Operations, LLC, 4600 East 2nd Street, Edmond, Oklahoma 73034; (б) тэлефон: 405-680-5433; або (в) электронную пошту: legal@life.church. Калі ласка, майце на ўвазе, што згодна з палітыкаю Life.Church, уліковыя запісы шматразовых парушальнікаў будуць выдаленыя.

Спасылкі на трэція асобы й паслугі

YouVersion можа зьмяшчаць кантэнт або спасылкі на іншыя сайты або рэсурсы ад трэціх асобаў. Мы не кантралюем кантэнт гэных сайтаў або рэсурсаў і не нясем адказнасьці за іх або за ўсякія страты або шкоды, якія можа адбыцца пры іх выкарыстаньні. Калі вы вырашаеце наведаць хоць-які сайт трэціх асобаў, дык вы робіце тое на свой страх і ў адпаведнасьці з умовамі карыстаньня гэтакіх сайтаў. Усе заявы і/або меркаваньні, выказаныя ў гэтых матар'ялах, і ўсе артыкулы і адказы на пытаньні ды іншы кантэнт, які адрозьніваецца ад кантэнту, які забясьпечвае Life.Church, зьяўляюцца меркаваньнямі ды адказнасьцю асобы або юрыдычнае асобы, якая зьмясьціла гэныя матар'ялы. Гэныя матар'ялы могуць не адлюстроўваць меркаваньні Life.Church. Мы не нясем адказнасьці перад вамі або перад хоць-якімі трэцімі асобамі за кантэнт або за дакладнасьць хоць-якіх матар'ялаў, зьмешчаных трэцімі асобамі.

Геаграфічныя абмежаваньні

Life.Church базуецца ў штаце Аклагома ў Злучаных Штатах Амэрыкі. Мы не заяўляем сваё права на тое, што YouVersion або хоць-які кантэнт YouVersion зьяўляецца даступным або належным за межамі Злучаных Штатаў. Доступ да YouVersion можа быць незаконным для пэўных асобаў або ў пэўных краінах. Калі вы карыстаецеся YouVersion за межамі Злучаных Штатаў, то вы робіце тое па ўласнай ініцыятыве і зьяўляецеся адказнымі за падпарадкаваньне мясцовым законам.

Адмова ад гарантыяў

ВАШАЕ ВЫКАРЫСТАНЬНЕ YOUVERSION, ЯГОНАГА КАНТЭНТУ І ЎСЯКАЙ ФУНКЦЫЯНАЛЬНАСЬЦІ, ПАСЛУГАЎ АБО РЭЧАЎ, НАБЫТЫХ ПРАЗЬ YOUVERSION ЗЬДЗЯЙСЬНЯЕЦЦА НА ВАШ СТРАХ, УСЁ ТОЕ ЗЬМЯШЧАЕЦЦА ЯК ЁСЬЦЬ І ЯК ДАСТУПНА, БЕЗ АНІЯКІХ ГАРАНТЫЯЎ, ВЫКАЗАНЫХ ВІДАВОЧНА АБО НЕВІДАВОЧНА. АНІ LIFE.CHURCH, АНІ ХОЦЬ-ЯКАЯ АСОБА, ЗЬВЯЗАНАЯ З LIFE.CHURCH НЯ РОБІЦЬ АНІЯКІХ АБЯЦАНЬНЯЎ АБО ГАРАНТЫЯЎ НАКОНТ ПАЎНАТЫ, БЯСЬПЕКІ, НАДЗЕЙНАСЬЦІ, ЯКАСЬЦІ, ДАКЛАДНАСЬЦІ АБО ДАСТУПНАСЬЦІ YOUVERSION. БЕЗ АБМЕЖАВАНЬНЯ ПАПЯРЭДНЯГА, АНІ LIFE.CHURCH, АНІ НЕХТА ЗЬВЯЗАНЫ З LIFE.CHURCH НЕ АБЯЦАЕ І НЕ ГАРАНТУЕ, ШТО YOUVERSION АБО ХОЦЬ-ЯКІ ФУНКЦЫЯНАЛЬНЫ ЗЬМЕСТ АБО ХОЦЬ-ЯКІЯ ПАСЛУГІ АБО РЭЧЫ, НАБЫТЫЯ ПРАЗЬ YOUVERSION БУДУЦЬ ДАКЛАДНЫМІ, НАДЗЕЙНЫМІ, БЕСПАМЫЛКОВЫМІ, НЕПЕРАРВАНЫМІ, ШТО ХІБЫ БУДУЦЬ ВЫПРАЎЛЕНЫЯ, ШТО YOUVERSION АБО СЭРВЭР, ПРАЗЬ ЯКІ YOUVERSION ЁСЬЦЬ ДАСТУПНЫМ, ЗЬЯЎЛЯЮЦЦА ВОЛЬНЫМІ АД ВІРУСАЎ АБО ІНШЫХ ШКОДНЫХ КАМПАНЭНТАЎ, АБО ШТО YOUVERSION АБО ХОЦЬ-ЯКІЯ ПАСЛУГІ АБО РЭЧЫ, НАБЫТЫЯ ПРАЗЬ YOUVERSION БУДУЦЬ АДПАВЯДАЦЬ ВАШЫМ ПАТРЭБАМ АБО СПАДЗЯВАНЬНЯМ.

LIFE.CHURCH ГЭТЫМ АДМАЎЛЯЕЦЦА АД УСІХ ГАРАНТЫЯЎ УСЯКАГА ТЫПУ, ВЫКАЗАНЫХ ВІДАВОЧНА АБО НЕВІДАВОЧНА, УСТАЛЯВАНЫХ ЗАКОНАМ АБО ІНШЫХ, УЛУЧАЮЧЫ АЛЕ НЕ АБМЯЖОЎВАЮЧЫСЯ ЎСЯКІЯ ГАРАНТЫІ ПОПЫТУ, НЕПАРУШЭНЬНЯ Й ПРЫДАТНАСЬЦІ НА ПЭЎНУЮ МЭТУ.

ПАПЯРЭДНЯЕ НЕ ЎПЛЫВАЕ НА АНІЯКІЯ ГАРАНТЫІ, ШТО НЕЛЬГА ВЫКЛЮЧЫЦЬ АБО АБМЕЖАВАЦЬ ПАВОДЛЕ АДПАВЕДНЫХ ЗАКОНАЎ.

Абмежаваньне адказнасьці

У АНІЯКІХ АБСТАВІНАХ LIFE.CHURCH, ЕЙНЫЯ ЛІЦЭНЗІЯТАРЫ, ПРАДСТАЎНІКІ ПАСЛУГАЎ АБО ІХНІЯ ПРАЦАЎНІКІ, АГЕНТЫ АБО КІРАЎНІКІ НЕ НЯСУЦЬ АНІЯКАЕ АДКАЗНАСЬЦІ ЗА ШКОДЫ ЎСЯКАГА КШТАЛТУ, ЗГОДНА З ХОЦЬ-ЯКОЙ ЗАКОННАЙ ТЭОРЫЯЙ, ШТО ВЫНІКАЕ З АБО Ў СУВЯЗІ З ВАШЫМ КАРЫСТАНЬНЕМ АБО НЯЗДОЛЬНАСЬЦЮ КАРЫСТАЦЦА YOUVERSION, УСЯКІМІ САЙТАМІ, ЗЬВЯЗАНЫМІ ЗЬ YOUVERSION, УСЯКІМ КАНТЭНТАМ, ПРАПАНАВАНЫМ У АБО ПРАЗЬ YOUVERSION АБО ІНШЫЯ ПАДОБНЫЯ САЙТЫ АБО ЎСЯКІМІ ПАСЛУГАМІ АБО РЭЧАМІ, ПРЫДБАНЫМІ ПРАЗЬ YOUVERSION, УЛУЧАЮЧЫ ЎСЯКІЯ ПРОСТЫЯ, НЯПРОСТЫЯ, АДМЫСЛОВЫЯ, ВЫПАДКОВЫЯ, НЕВЫПАДКОВЫЯ АБО КАРНЫЯ ШКОДЫ, УЛУЧАЮЧЫ АЛЕ НЕ АБМЯЖОЎВАЮЧЫСЯ АСАБІСТЫЯ ТРАЎМЫ, БОЛЬ ДЫ ПАКУТЫ, ЭМАЦЫЙНЫ БОЛЬ, СТРАТУ ДАХОДУ, СТРАТУ ЗАРОБКУ, СТРАТУ БІЗНЭСУ АБО ЧАКАНЫХ АШЧАДЖЭНЬНЯЎ, СТРАТУ ВЫКАРЫСТАНЬНЯ, СТРАТУ ДОБРАЕ РЭПУТАЦЫІ, СТРАТУ ДАДЗЕНЫХ І ВЫКЛІКАНЫХ ПАРУШЭНЬНЕМ ГРАМАДЗЯНСКАГА ПРАВА (ЎЛУЧАЮЧЫ НЯДБАЛЬСТВА), НЕДАТРЫМАНЬНЕ КАНТРАКТУ АБО ІНШ., НАВАТ КАЛІ ПРАДБАЧАНА.

ПАПЯРЭДНЯЕ НЕ ЎПЛЫВАЕ НА АНІЯКІЯ ГАРАНТЫІ, ШТО НЕЛЬГА ВЫКЛЮЧЫЦЬ АБО АБМЕЖАВАЦЬ ПАВОДЛЕ АДПАВЕДНЫХ ЗАКОНАЎ.

Кампэнсацыя

Вы пагаджаецеся абараняць, кампэнсаваць і вызваляць ад адказнасьці Life.Church, ейных філіяў, ліцэнзіятараў і пастаўнікоў паслугаў, і ейных ды іхніх адпаведных службоўцаў, дырэктараў, працаўнікоў, прадпрыемцаў, агентаў, пастаўнікоў, наступнікаў і законных спадкаемцаў за ўсякія прэтэнзіі, абавязанасьці, шкоды, прысуды, узнагароды, страты, выдаткі або платы (у тым ліку платы за праўніцкія паслугі), што ўзьнікаюць у выніку або што маюць дачыненьне да вашага парушэньня гэтых умоваў карыстаньня або вашага карыстаньня YouVersion, улучаючы, але не абмяжоўваючыся, вашымі ўнёскамі карыстальніка, усякім карыстаньнем кантэнту YouVersion, паслугамі й прадуктамі апроч тых, што былі дазволеныя гэтымі ўмовамі карыстаньня або вашым карыстаньнем хоць-якімі дадзенымі, атрыманымі зь YouVersion.

Заканадаўства ды юрысдыкцыя

Усе пытаньні, дыспуты або прэтэнзіі, якія тычацца YouVersion і гэтых умоваў выкарыстаньня (у тым ліку недамоўленыя дыспуты альбо прэтэнзіі), павінны кіравацца й тлумачыцца ў адпаведнасьці з унутраным заканадаўствам штата Аклагомы, не прыводзячы ў дзеяньне аніякі выбар, або закон, або правіла. Усякая судовая справа, дзеяньне або працэс, што ўзьнікае ў сувязі з гэтымі ўмовамі карыстаньня альбо зь YouVersion, будзе заведзена выключна ў фэдэральных судах Злучаных Штатаў або ў судах штата Аклагомы ў кожным выпадку ў горадзе Аклагома-Сіці Аклагомскае акругі. Пагаджаючыся з гэтымі ўмовамі карыстаньня й выкарыстоўваючы YouVersion, вы адмаўляецеся ад усіх ды ўсякіх пярэчаньняў адносна ажыцьцяўленьня судовае юрысдыкцыі над вамі гэтакімі судамі й месцаў правядзеньня ў гэтакіх судах.

Адмаўленьне ды аддзяленьне

Life.Church можа адмовіцца ад сваіх правоў, прадугледжаных гэтымі ўмовамі карыстаньня, толькі ў пісьмовай форме. Калі хоць-якая з агаворак гэтых умоваў карыстаньня прызнаецца несапраўднаю, незаконнаю або непрыдатнаю з хоць-якое прычыны судом ці іншым правамоцным органам, то гэтакая агаворка будзе ліквідаваная альбо абмежаваная ў мінімальнай ступені, каб астатнія агаворкі гэтых умоваў карыстаньня працягвалі дзеяць у поўнай меры.

Усё пагадненьне

Гэтыя ўмовы й нашая палітыка прыватнасьці складаюць адзінае й поўнае пагадненьне паміж вамі ды Life.Church Operations, LLC датычна YouVersion і замяняюць усе папярэднія паразуменьні, пагадненьні, рэпрэзэнтаваньні ды гарантыі, як пісаныя, так і вусныя, датычна YouVersion.

Вашыя камэнтары й заўвагі

YouVersion кіруецца Life.Church Operations, LLC - таварыствам з абмежаванай адказнасьцю ў Аклагоме. Усе водгукі, заўвагі, запыты тэхнічнае падтрымкі ды іншыя паведамленьні, што датычацца YouVersion, можна накіроўваць на: YouVersion Support, 4600 E. 2nd St., Edmond, Oklahoma 73034 або help@youversion.com.