Распаліце духоўны вагонь у вашым шлюбеУзор

“Любіць тых, хто ня любяць цябе” Ісус сказаў, што наша ўзнагарода будзе вялікай не тады, калі мы любім тых, хто любіць нас, а калі мы любім "няўдзячных і злых", як любіць Бог. Калі ваш сужонак найдухоўнейшы, найшчодрэйшы, найуважлівейшы за ўсю гісторыю чалавецтва, гэта й будзе вашай узнагародай. На нябёсах ня будзе дадатковай узнагароды за тое, што ваш шлюб быў лепшы, чым у большасьці. Вы пражывяце некалькі вельмі прыемных дзесяцігодьдзяў, пакуль нехта будзе рыхтаваць скарб для вечнасьці. Калі, напрыклад, ваш сужонак успрымае вас як дадзенае, вас ніколі ня будуць цаніць на гэтай зямлі, але прыйдзе дзень — Ісус гэта абяцаў! — калі вы пабачыце свайго Нябеснага сьвёкра ці цесьця й Ён скажа вам: “Ты так любіў/ла майго сына (ці дачку), нават, Я ведаю, калі ён/яна так і не зразумеў/ла, якім дабраславеньнем быў шлюб з табой. Цяпер дазволь паказаць табе, як Я вечна ўзнагароджваю тых, хто любіць у імя Маё. Вось твая ўзнагарода, увайдзі ў супачын!” Бачыце, як вера ў гэты дзень мяняе наша разуменьне, што такое "добры дзень" на сёньняшні момант? Мы будзем шукаць магчымасьці праявіць любоў, паслужыць, заўважаць, падтрымліваць і цаніць замест таго, каб апантана сачыць, як наш сужонак любіць, служыць, заўважае, падтрымлівае й цэніць нас. Гэта натхненьне для тых, каго ўспрымаюць як дадзенае. Будзьма шчырымі: некаторыя з нас ажаніліся з дурнямі. Не хачу быць непаважлівым, але Біблія кажа, што дурні ёсьць, так? І мне падаецца, нехта мусіць зь імі ажаніцца. Магчыма, гэта вы. З усіх сьвецкіх пэрспэктываў, гэта растрачанае жыцьцё. Але з пэрспэктывы нябёсаў, у вас ёсьць магчымасьць падрыхтавацца да асаблівай размовы перад тронам Хрыста. * Як гэта натхняе вас любіць свайго сужонка, нават калі гэта цяжка? Як гэты ўрок паўплывае на вашае зь ім/ёй штодзённае жыцьцё?