Распаліце духоўны вагонь у вашым шлюбеУзор

“Бог як цесьць і сьвёкар” Гэтая думка прыйшла да мяне як папярэджаньне й, калі па-шчырасьці, якраз у час. Я быў маладым мужам, і падчас адной гарачай малітвы я ўсьвядоміў, што Бог вельмі прама кажа мне, што Ліза не проста мая жонка, а яшчэ й Яго дачка, і я мушу ставіцца да яе адпаведна. Гэта стала для мяне адкрыцьцём, і яно яшчэ ўзмацнілася, калі ў мяне нарадзіліся дзеці. Калі вы хочаце, каб я быў добрым з вамі, будзьце добрыя з маімі дзецьмі. І наадварот, калі вы хочаце мяне раззлаваць, пакрыўдзіце маіх дзяцей. Будзьце зь імі злыя. Мой ціск будзе падскокваць кожны раз, калі прагучыць вашае імя, бо лепей вам зачапіць мяне, чым кагосьці з маіх дзяцей. Таму калі я зразумеў, што жанаты з дачкой Бога — а вы, жанчыны, замужам за Божым сынам — усё маё ўяўленьне пра шлюб памянялася. Бог клапоціцца пра маю жонку — і Сваю дачку — з большай сьвятасьцю й любоўю чым я пра сваіх дачок. Раптоўна мой шлюб зрабіўся не проста маім саюзам зь іншым чалавекам, а ператварыўся ў стасункі, дзе ёсьць вельмі зацікаўлены трэці бок. Я зразумеў, што цяпер адной з галоўных форм пакланеньня Богу й шанаваньня Яго будзе клопат пра жанчыну, якая ў Яго сьвятым розуме заўсёды будзе “Яго маленькай дзяўчынкай.” Пастары часта кажуць, што Бог — наш Айцец. Гэта цудоўная праўда. Але калі вы хочаце зьмяніць свой шлюб, пашырце гэтую аналёгію й нейкі час падумайце пра Бога, як пра цесьця й сьвёкра. Бо калі вы ў шлюбе зь веруючым чалавекам, так і ёсьць! * Ці думалі вы калі-небудзь, што ваш сужонак — дачка ці сын Бога? Як гэта мяняе вашы стасункі (дзеяньні й стаўленьне) зь ім/ёй?