Распаліце духоўны вагонь у вашым шлюбеУзор

“Залежнасьць ад Бога” Калі ваш шлюб і сям'я нагадваюць жарт ці вось-вось ператворацца ў хаос, для Бога гэта ня ўнікальная зьява: няма таго, чаго Ён ня змог бы выправіць. Цяпер у хрысьціянскім вучэньні так шмат кажацца пра “нашы” дары, разьвіцьцё “нашых” талентаў, раскрыцьцё “нашага” патэнцыялу, але Ісус шмат вучыў падпарадкаваньню дзеяньню Духа Сьвятога. Няхай наш шлюб вучыць нас давяраць Сьвятому Духу. Ён варты даверу. Калі мы сапраўды хочам трансфармаваць наш шлюб, нам трэба навучыцца адкрываць веліч залежнасьці ад Бога. Бог ніколі не пакліча нас рабіць нешта, ня даўшы нам усяго для гэтага неабходнага. Нам можа падацца, што нам патрэбна яшчэ нешта, але гэтага будзе дастаткова. Ня кажучы пра тое, што заданьне падасца лёгкім. Бог абяцае праз прарока Ісаю: “Ён дае стомленаму сілу і даруе зьнямогламу маладосьць” (Ісая 40:29). Не адкідайце гэтай думкі, яна вельмі істотная: гэты ўрывак сьцьвярджае, што Бог будзе даваць нам розныя заданьні, якія мы ня здольныя выканаць уласнымі сіламі. “Сакрэтным ключом” да асьвячонага шлюбу насамрэч зьяўляецца асоба: абяцаны Богам Дух Сьвяты. Таму што Бог такі "сацыяльны" (дзеля нашага збаўленьня Ён паслаў Свайго Сына), ня дзіва, што дзеля трансфармацыі нашага шлюбу Ён таксама пасылае Сябе ў асобе Сьвятога Духа. Шлюб - гэта адзін з самых глыбокіх актаў пакланеньня, якія два веруючыя чалавекі могуць разьдзяліць, таму асьвячоны шлюб немагчымы бяз дзейнасьці ў нашым жыцьці Сьвятога Духа, Які будзе дапамагаць нам разумець, як любіць, даваць нам сілу любіць, пераконваць нас любіць, калі мы ўпадзем, абнаўляць нашы сэрцы, калі мы стомімся любіць і выліваць на нас надзею, калі мы расчаруемся ў любові. * Ці абапіраецеся ва на Сьвятога Духа, каб Ён узмацніў вас і ваш шлюб? Узгадайце абставіны, калі ў вас не хапала сілы, але Сьвяты Дух узмацніў вас?