Groeiend in Waarheid – Vir OuersVoorbeeld

Lees Psalm 25:5

Dink na oor die gelese gedeelte

Onthou jy die verhaal van Dawid? Hy het as jongman pligsgetrou sy pa se skape opgepas en tyd bestee om die skoonheid van God se skepping te waardeer, lofliedere te skryf en dikwels ‘n gesprek met God te voer. Die jong Dawid het die Here hoofsaaklik om leiding en onderrig in die waarheid gevra. Hy het grootgeword as “n man na God se hart” en aan wie die mag en verantwoordelikheid as die tweede koning van Israel toevertrou is. 

Dink terug aan jou jeugjare – waarvoor het God jou onderrig? Vir watter groot verantwoordelikheid het God jou op hierdie tydstip in jou lewe voorberei? Sou jy ook gereken kan word as iemand wat God se hart bly maak? Jeugdigheid is nie ‘n voorvereiste om die Here te vra vir leiding en onderrig om meer intiem saam met Hom te lewe nie. Laat vandag se leeswerk die dryfkrag wees om die Here nou deel te maak van jou hartsbegeerte: "Laat u waarheid my lei en onderrig my daarin, want U is God, my redder. In U stel ek elke dag my verwagting."

Praat oor die volgende

Vra jouself af: Dink aan ‘n tydstip in jou lewe toe jy vir iets moes wag en daardeur ‘n baie waardevolle les geleer het.

Vraag aan ‘n kind: Wat is die langste tyd wat jy al ooit vir iets moes wag? 

Bespreek saam: Dink aan iets wat elkeen van ons vandag kan doen (asook elke dag hierdie week) wat ons kan help om in die waarheid lewe.

Bid

Hemelse Vader, dankie dat u Woord die waarheid is. Help my asseblief om te onthou dat U my sedert my jeug voorberei vir my huidige verantwoordelikhede. Leer my en maak aan my u weë bekend. Help my om op U leiding te wag, en nie op my eie insigte staat te maak of uit eie krag te probeer optree nie. Amen.