Die Invloed Van die Heilige SkrifVoorbeeld

Die Skrif is Lewend.



Dit maak nie saak hoeveel keer jy dieselfde vers, dieselfde gedeelte of selfs die hele Bybel lees nie, jy sal die openbaring van nuwe waarhede en insigte ervaar wat jy nog nooit daar gesien het nie. God gebruik sy geskrewe Woord om vandag direk met ons te praat. Wanneer jy begin lees en die Skrif bestudeer met 'n uitnodiging aan God om met jou te praat, kan dit so toepaslik word vir jou situasie, omstandighede en emosies dat dit voel asof dit tot diep in jou siel sny. Stel jou voor dat God elke bladsy as 'n liefdesbrief aan sy kinders skryf, en dit jou net so gelukkig maak soos wanneer jy 'n persoonlike, handgeskrewe briefie van 'n dierbare vriend kry.



Wat moet jy van God hoor? Watter leiding het jy van Hom nodig? Watter seer, sonde, vrees, skande of skuld skuil diep in jou siel wat sy Woord kan openbaar en genees? Terwyl jy die vers van vandag lees en daaroor nadink, staan ook tyd af om God te vra om jou siel te deurdring en die krag van sy Woord duidelik met jou te laat praat.



Praat met God: O Vader, soms probeer ek so hard om my hart te bewaak dat niemand my diepste gedagtes en begeertes kan sien nie, maar vandag maak ek my hart gewillig oop vir u Woord. Praat met my. Openbaar enigiets in my wat U aanstoot gee. Ek nooi U uit om elke keer as ek u Woord lees, op vars maniere met my te praat. Ek bid dit in die Naam van Jesus, amen.