Soma Biblia Kila Siku /Septemba 2023Mfano

Katika Warumi sura ya 9-11 Mtume Paulo anafundisha juu ya mpango wa Mungu kwa taifa la Israeli, taifa teule la Mungu. Hao walimkataa Kristo ingawa wao ndio wangalikuwa wa kwanza kumpokea (m.4-5; 1:16)! Na hili ni taifa lake Paulokwa jinsi ya mwili,yaani kutokana na ukoo wake (11:1,Mimi nami ni Mwisraeli, mmoja wa wazao wa Ibrahimu, mtu wa kabila ya Benyamini). Uchungu wake kwa ajili yao ni mkubwa sana, maana husema:Ningeweza kuomba mimi mwenyewe niharimishwe(yaani kulaaniwa)na kutengwa na Kristo kwa ajili ya ndugu zangu(m.3). Hii ni roho ya Kristo asemaye:Mwana wa Adamu [= Kristo mwenyewe] naye hakuja kutumikiwa, bali kutumika, na kutoa nafsi yake iwe fidia ya wengi(Mk 10:45).