Жыві паводле Духа: Пасьвячэньні ад Джона ПайпэраУзор

У Духу нам бясьпечна.

"У Ім і вы... пазначаны пячаткаю абяцанага Духа Сьвятога, Які ёсьць зарука спадчыны нашай, на адкупленьне долі Ягонай, на хвалу славы Ягонай!" - Эфэсцаў 1:13-14

Тое, чаго найбольш хоча Бог для Свайго народу, - гэта каб нам было бясьпечна ў Ягонай любові ды сіле. Усё астатняе ў жыцьці можа быць няўстойлівым - здароўе, сям'я, праца, адукацыя, грамадзтва, сьвет. Час ад часу, у хоць-якой з гэтых сфэраў ты можаш адчуваць, нібыта стаіш на даху 40-павярховага будынку пад моцным ветрам; ты адчуваеш, што страчваеш раўнавагу і падаеш, а кожны выступ, за які хапаесься, абрываецца.

Паколькі Бог робіць усё дзеля хвалы Ягонае славы, і паколькі вера ў Ягонае Слова ўхваляе тую славу, то Бог робіць рашучыя крокі, каб забясьпечыць вечнае ўхваленьне Ягонае славы: Ён пазначае кожнага верніка пячаткаю Сьвятога Духа і гарантуе ім спадчыну дзеля ўхваленьня Ягонае славы.

Бог гэтак моцна жадае мець народ, які б вечна жыў і славіў Яго, што Ён ніколі не дазволіць, каб наш вечны лёс залежаў ад нашых уласных намаганьняў або волі. Ён даручае Свайму Сьвятому Духу прыйсьці ў нашае жыцьцё і зрабіць так, каб мы знаходзіліся ў бясьпецы вечна.

Бог пасылае Свайго Сьвятога Духа ў якасьці ахоўнае пячаткі, каб захаваць нашую веру, у якасьці завяральнае пячаткі, каб пацьвердзіць нашае сыноўства, і ў якасьці абарончае пячаткі, каб нас ня зьнішчылі шкодныя сілы. Сутнасьць у тым, што Бог хоча, каб мы бясьпечна адчувалі сябе ў Ягонай любові ды сіле.

Праз Эфэсцаў 1:15 Госпад кажа: "Тое, чаго Я найбольш хачу дзеля тых, хто верыць у Мяне, - гэта каб яны адчувалі сябе бясьпечна ў Маёй любові. Я абраў цябе да стварэньня сьвету. Я наканаваў табе быць Маім дзіцём назаўжды. Я збавіў цябе крывёю Майго Сына. Я даў табе Майго Духа ў якасьці пячаткі й зарукі. З гэтае прычыны, ты атрымаеш спадчыну і будзеш вечна славіць маю ласку.

І Я кажу табе гэта, бо хачу, каб ты адчуваў сябе бясьпечна ў Маёй любові й сіле. Я не абяцаю табе лёгкае жыцьцё. Насамрэч, праз многія скрухі належыць табе ўвайсьці ў Божае Валадарства (Дзеі 14:22). Паўтаруся: Я абраў цябе. Я прадвызначыў цябе; Я збавіў цябе; Я пазначыў цябе пячаткаю Сьвятога Духа. Твая спадчына пэўная, бо Я моцна жадаю павялічыць славу Мае ласкі праз тваё збаўленьне."

Даведайся болей: http://www.desiringgod.org/messages/sealed-by-the-spirit-to-the-day-of-redemption