Neem sterk keuses

“Wanneer ons getug word, lyk die tug op daardie oomblik nie na iets om oor bly te wees nie, maar om oor te huil. Later lewer dit egter vir dié wat daardeur gevorm is, 'n goeie vrug: vrede omdat hulle gehoorsaam is aan die wil van God” — Hebreërs 12:11.

Mollie sê:

Het jy al ooit gehoor van 'n olifant wat lugspronge doen? Ek ook nie! Dit was totdat ek in die Poeding Stasie ingestap het en al die wonderlike prestasies van die eienaar en sjef gesien het, wat toevallig ook 'n olifant was. Toe ons die Woordwinkel verlaat het, het my maag gegrom. Die lekkernye in hierdie winkel was onweerstaanbaar.

Daar was nog 'n wonderlike verrassing — Amelda was daar. Dit was wonderlik om haar weer te sien. Sy het aangebied om vir my al die lekkernye te koop wat ek wou hê. Ek het so baie geëet dat die knopie van my skooldrag afgeskiet het en een van sjef Olifanté se trofeë getref en gebreek het. Dit was so 'n verleentheid.

Gelukkig was hy nie vir my kwaad nie. Hy het vir my 'n ou foto van homself gewys. Hy was nie altyd die slanke, gesonde en opwinding-soekende wese wat hy nou is nie. Daar was 'n tyd toe sjef Olifanté slegs kon droom om hierdie uiterste sportsoorte te doen en nou is hy 'n kampioen.

Hy het my vertel dat my vermoë om keuses te maak, kragtig kan wees. Ek kan elke dag keuses maak wat my óf na my drome toe óf weg van hulle af sal lei.

“As jy groot dinge in die lewe wil bereik, moet jy 'n bietjie dissipline beoefen” — Sjef Olifanté.

Neem kragtige besluite

Die keuses wat ons maak, bepaal wat ons in ons lewe kan bereik. Daarom moet ons seker maak dat ons dinge kies wat vir ons goed is. Selfs keuses oor wat ons eet, waarna ons kyk, waarna ons luister en wat ons lees.

Watter keuses maak jy elke dag wat jou belemmer/help?

Watter keuses kan jy maak om jou te help om jou verwagtinge en drome te bereik?

Vandag se Skattejag

Soek na voorwerpe wat jou inspireer om hard te werk en gedissiplineerd te wees.

• Sertifikate of trofeë van vorige prestasies.
• Teken 'n prentjie van iets wat jy droom om in die toekoms te doen.
• Iets wat jou sal herinner om gesonde keuses te maak (dalk 'n klippie van 'n staptog waarop jy was).

Kom ons bid

Hemelse Vader,

Dankie dat U vir my 'n gees van krag, liefde en selfbeheersing gee. Dankie vir die Heilige Gees wat my help om goeie keuses te maak, selfs wanneer ek moeg of swak voel.

In die Naam van Jesus.

Amen.