Wat Is Ware Liefde?Voorbeeld

Gevolgtrekking



Dink na oor alles wat ons die afgelope paar dae gelees, bestudeer en oordink het. Smag jou hart om ware liefde te ervaar en God waarlik lief te hê?! Ons het die Here nodig. Net Hy kan vir ons wys wat ware liefde is en hoe om van die sonde ontslae te raak wat soms so knaend is. Om van die ou self ontslae te raak en die vlees te kruisig, is 'n lewenslange taak. Ons moet ELKE DAG van ons ou gewoontes ontslae raak en “in geloof wandel.” Ons moet oefen om die waarheid ter harte te neem en dit elke dag uit te leef. Ons moet die leuens van die vlees, die duiwel en die wêreld afgooi en die waarheid van die Woord van God, deur die krag van die Heilige Gees, aantrek. Hoe minder ons dinge op die wêreld se gerieflike manier doen, hoe meer sal ons Christus se vreugde en teenwoordigheid geniet, en hoe meer sal ons verlange na Hom wees. Ons sal verander en herskep word deur die vernuwing van ons harte en verstand. Ons sal van ons ou lewe ontslae wil raak en na Christus se manier om dinge te doen verlang. Ons sal egte vreugde en ware liefde ervaar. Ons sal sy liefde in en deur ons ervaar en so God se doel vir ons kan bereik, soos so mooi uiteengesit in die Westminster Kategese: Wat is die hoofdoel van die mens? Die mens se doel is om God te verheerlik en Hom vir altyd te geniet!



Kom ons bid: “Here, ek het U lief omdat U my pleitbede vir genade hoor. Die Heilige Gees wat aan my gegee is, het u liefde in my hart uitgestort. Dankie, Here!”



Neem die Waarheid ter Harte:

Kies 'n Skrifgedeelte vir vandag om in jou hart te bewaar.



Begrawe die Ou Self:

Van watter sonde in jou lewe het jy 'n nota gemaak wat deur die Skrif aangespreek is?



Leef die Waarheid:

Watter spesifieke aanpassing moet jy in jou gedagtes, houding en optrede maak, om aan God gehoorsaam te wees?