Vergifnis: Die pad tot vryheidVoorbeeld

Wees ’n genadige vriend

Ek was stokflou ná die preek op die Kersoggend. Ons het pas by my skoonma aangekom waar die res van die familie ook bymekaar was. Nog voordat ek haar kon groet, kom wens haar bure se seun ons ’n geseënde Kersfees toe. Hy roep my boonop “Dominee”. Hier’s die ding, ek’s nie sterk op hierdie titel nie. (Dit kom van die Latynse dominus af wat beteken “heer”.) Ek was nie te vriendelik terug nie. Maar ek vergeet toe hiervan, tot so drie weke later toe ek in ’n ander stad moes preek waar hulle woonagtig is. Daar staan die vriendelike man weer en hy kom vra my om verskoning. Hy sê hy was eers ontsteld dat ek op Kersoggend so ontoeganklik was. Maar toe besef hy hy het ons privaat oomblikke binnegeval. 

Dadelik weet ek toe dit is nie hy nie; dit is ek wat weer groen vrugte gedra het vir die Here. Partykeer sukkel ek om sy lig helder te laat skyn. Genadiglik is daar sulke mense wat my dan nie heeltemal afskryf nie. Ek wil graag elke dag so ’n genade-uitdeler wees teenoor ander mense. Ek vermoed jy wil ook. Gaan doen dit net.