Ontmoet Die Nuwe JyVoorbeeld

FASE 2: BEPAAL DIE WAARDE

Word Nuut

Ek was die persoon wat baie gou raakgesien het as iets "oud" is sodat ek 'n rede gehad het om 'n nuwer weergawe daarvan te koop. Byvoorbeeld: die ratte van my fiets het eenkeer nie reg gewerk nie. Ek was gereed om daarvan ontslae te raak en 'n nuwe fiets te koop. My man het egter tussenbeide getree en bewys dat die ratte reggemaak kon word. Dis die geval vir elke toestel in ons huis en elke tweedehandse item. Dis wonderlik hoe 'n bietjie liefde en harde werk 'n "weggooi" ding in iets moois kan omskep. God se ekonomie werk ook so.

God neem die ou, stukkende, nikswerd items en herskep hulle in 'n wonderlike vertoning van sy uitspattige liefde. Sy harde werk is net wonderlik. Hy neem iets wat oud is en maak dit splinternuut.

Hy gooi nie die ou model weg en maak 'n nuwe een nie.

Hy gebruik wat alreeds daar is, want dit is mos sy ontwerp.

Hy neem dit net soos dit is — ja, Hy neem ons — en vul dit met die volheid van Jesus Christus. Vriend, God maak ons nuut as ons ons geloof in Jesus as ons Here en Verlosser plaas. Hy neem ons ou lewens en red dit, en maak iets moois en nuut.

Hy vervang nie die oue nie; Hy herskep dit. Herbou dit. Werk dit weer mooi af.

So, wat moet jy doen om vandag die manier waarop God jou herskep te aanvaar?

Word herskep

1. Van watter gewoontes of denkwyses moet jy ontslae raak?

2. Van watter dinge in die verlede kan God jou verlos?

3. Wat sal dit vir jou behels, gesien vanuit 'n geestelike perspektief, om God in die herskeppingsproses in te nooi?