Droom Groot met Bob GoffVoorbeeld

Jy het waarskynlik 'n paar betroubare antwoorde op die drie groot vrae van die lewe: Wie is jy? Waar is jy? Wat wil jy hê? Jy sit nou op die regte plek. Wat gaan jy doen in verband met wat jy ontdek het? 

Hopelik het jy meer betrokke geraak met die wêreld om jou en die moontlikhede in jou. Jy het 'n paar mense geïdentifiseer om hierdie reis saam met jou aan te pak en het 'n persoonlike voorraadopname gemaak van die vermoëns wat jy het en die vrese wat jou in die verlede teruggehou het. Jy het op spesifieke maniere aan jou ambisies uiting gegee, 'n lys opgestel van aktiwiteite wat jy moet neem, 'n paar keer in die lug gespring om jou momentum te gee en 'n bietjie ruimte in jou lewe gemaak vir jou nuwe pogings. Jy het waarskynlik selfs 'n paar dinge gedoen om aan die gang te kom. As jy 'n paar terugslae gehad het, maak dit nie saak nie.

Daar is iets veilig en vertroostend aan die beplanningsproses, nie waar nie? Dit gebeur gedurig met ons ambisies. Die laaste tree wat jy in hierdie proses neem, is om al die beplanning te beëindig. Bespreek nou daardie vlug. Koop die ring. Hou die eerste byeenkoms in jou sitkamer. Hoe dit ook al sy, hou op om drie meter bokant jou droom te sweef. Nou moet jy jouself in rat te kry.

Jy hoef ook nie met die intrapslag na volmaaktheid te streef nie; wees eerder op die uitkyk vir tekens dat jou ambisie begin vorm aanneem. Moenie aanneem dat alles glad sal verloop nie. Wees gereed vir stampe en stote langs die pad. Moenie aan al die redes dink waarom dit verkeerd kan gaan of waarom jy nie moet probeer nie. Jou ambisie is die moeite werd. Alles. Dit is die moeite werd om voluit te gaan. Elke opoffering wat jy maak om jou idee te laat realiseer, is dit werd.

Iewers daarbuite bid iemand dat jy jou pen sal neerlê en tot aksie oorgaan. Hou op om te praat oor wat jy ééndag wil doen. Begin vandag. Moenie vir die regte dag of 'n volmaan wag nie, of dalk vir 'n feetjie om op jou neus te kom sit nie. Stel 'n agtste dag van die week in as jy dit nodig het en noem dit “Begindag.”