Hou Op Om Bekommerd Te WeesVoorbeeld

Waarom Ons Bekommerd Is

As bekommernis 'n professionele sport was, sou baie van ons die waardevolste spelers in die span gewees het. Kan jy hiermee identifiseer? Dit is so moeilik om nie bekommerd te wees as probleme oral om ons voorkom nie.

In die woordeboek is daar 'n paar definisies vir die woord bekommer. Die een waarna ons in hierdie leesplan gaan verwys, is om jouself met sorge en angstigheid te pynig. Elke keer wat ons bekommerd is, pynig ons onsself. Niemand anders forseer ons om dit te doen of doen dit aan ons nie — ons doen dit aan onsself. 

As ons bekommerd is, laat ons ons gedagtes toe om te veel druk te plaas op moeilike omstandighede, oorweldigende vrese en ander spanning wat ons bedruk maak. Ons word verteer deur werklike dinge wat ons in die gesig staar, of deur moontlike situasies wat dalk nooit sal gebeur nie. Bekommernis veroorsaak oordrewe uitputting in alle dele van ons liggame. Dit beroof ons van slaap, beïnvloed ons verhoudings, beïnvloed ons aptyt en veroorsaak dat ons onproduktief by die werk is. 

Ons is geneig om bekommerd te wees oor dít wat vir ons die belangrikste is. Dit is ook hier waar ons geneig is om God die minste te vertrou. Wanneer ons oormatige druk op onsself plaas, ervaar ons spanning. Ons is bekommerd oor dinge waaroor ons gespanne is. Iets wat ons by die werk of huis pla, met 'n vriend of familielid skort, of 'n vrees wat ons nie kan oorkom nie; alles beïnvloed ons. Wanneer ons gespanne is, soek ons ​​maniere om dit te hanteer. sommige kies ontkenning en ander kies dwelmmiddels om dit te hanteer. Baie kies egter bekommernis as 'n manier om kop bo water te hou. 

Stel jou bekommernis voor as 'n vuur. Hoe meer ons toelaat dat bekommernisse ons gedagtes beset, hoe meer brandstof gooi ons op die “bekommernis-vuur". Hoe meer ons dít doen, hoe groter is die bekommernis-vuur wat ons later sal moet blus. Ons meeste kommer is gerig op dinge wat dalk kan gebeur. Die waarheid is egter dat, as jy daaroor bekommerd is, sal dit jou lewe oorheers. Al wat gebeur, is dat die probleem groter word. 

Wat as ons glad nie bekommerd is nie? Hoeveel ekstra tyd sal ons hê om aan dinge te wy wat positief is en werklik 'n verskil maak? Die opbrengs op ons belegging sou ongelooflik wees! Ons het elke dag 'n sekere hoeveelheid geestelike en emosionele energie, en ons moet niks daarvan afstaan deur ons te bekommer nie. 

Deur die loop van die volgende paar dae sal ons leer wat Jesus oor bekommernis gesê het, hoe ons hierdie giftige siklus kan stop en hoe om dit nooit weer in ons lewens toe te laat nie. 

Oordink 

• Sou jy jouself beskou as 'n persoon wat geneig is om bekommerd te wees? Gemiddeld, hoeveel keer per dag fokus jy op dinge waaroor jy geen beheer het nie?


• Vra die Here om oor die volgende paar dae sy waarheid oor bekommernis aan jou bekend te maak.