Om God se Beloofde Rus Binne te Gaan – Jesus is Groter Reeks #2Voorbeeld

Getrou in God se Huis  

Gedagtes aangaande die Woord

Dink oor Jesus

Ons kom twee getroue mense teë – Moses en Jesus. Die een getrou as dienskneg, die ander as 'n seun. 'n Groot verskil! 'n Seun bou 'n huis en die dienskneg werk daarin.

Ons taak is nie om die bouer te wees nie; ons taak is om getrou te werk. Jesus bou terwyl ons werk. Wanneer ons probeer om die bouwerk te doen, probeer ons om Jesus se werk te doen en ons gaan faal. 

Wat moet ons doen? Getrou dien. Laat Jesus vir die res sorg.

Die angswekkende deel? Ons is slegs getrou in sy huis — ons is egter die huis. Hy is besig om hierdie pragtige huis te bou en dit is ons.

Tyd vir Gebed

Vader, help my om getrou in u huis te wees. U het 'n eenvoudige taak vir my en ek wil daarin getrou wees. Per slot van sake is ons die huis — u mense. U huis funksioneer pragtig wanneer ons getrou is. Dit is my bede. Wanneer ons getrou saamwerk, bou ons 'n huis wat Jesus gelukkig maak. Help my dus om getrou te wees. Help my om andere te help om getrou te wees. Help my om nie te probeer om die bouer te wees nie. In die Naam van Jesus. Amen.