Sewe Eienskappe Van GodVoorbeeld

’n Kenbare God

God openbaar sy tere liefde aan sy volk, dikwels deur middel van sy gesproke woord. Dit is duidelik dat die volk van God verstom was dat Hy eens met hulle wou praat. Tydens die openbaring van God aan sy volk het hulle dikwels uit vrees en ontsag vir Hom op 'n afstand gestaan (Eks. 20:21). Hierdie verskynings in die Ou Testament vind volkome vervulling in Jesus Christus se menswording. Deur sy geboorte het Jesus gewilliglik die heerlikheid van die hemel prysgegee om die gestalte van ‘n dienskneg aan te neem, om dit moontlik te maak vir sondige mense om na die Vader te kom (Fil. 2:1-11). In sy Godheid het Jesus die aard en karakter van God op so 'n manier aan die wêreld gedemonstreer en verklaar, dat die mensdom nie net 'n tydelike blik op sy heerlikheid kon kry nie, maar die presiese beeld van God se heerlikheid op 'n permanente, deurlopende manier (Heb. 1:3). Jesus het Homself bekend gemaak sodat sondige mense God kan ken.

Gebed vir Vandag: 

Baie dankie Jesus dat U vir my 'n beeld van God se heerlikheid gegee het. Dankie dat U vir my gewys het wie Hy is en dat U vir my 'n manier gegee het om Hom intiem te ken. Amen.

Hierdie toewyding is ‘n uittreksel van The Jesus Bible, NIV Edition