Kuweka Muda Wa KupumzikaMfano

Ina maana gani kupumzika?

Ratiba zetu zinaonekana kuwa zinajaa kila mwezi. Tunapojaribu kukutana na marafiki, tunajikuta nafasi iliyo wazi kwenye ratiba ni zaidi ya mwezi ujao. Kuna shughuli za watoto, matukio ya kanisani, miradi ya kazini, sherehe za kuzaliwa, na likizo za wakati wa kiangazi. Tumeratibu na kupanga maisha yetu na kutoacha hata nafasi kidogo sana kwa chochote kinachoweza kuhuisha maisha yetu na kutupa mapumziko.

Mara nyingi tunafikiria kupumzika na kuwa wavivu. Ina maana tunaweza kukaa tuu nyumbani pasipo kufanya chochote. Ijapokuwa kunaweza kuwa na vitu kama hivyo katika muda wetu wa kupumzika, siyo habari kamili.

Kupumzika ni kurejesha.

Ni kujua tunapokuwa tumekaukiwa, tumechoka, na tunahitaji kupumua kwa muda. Ni kujua mipaka yetu na jinsi gani tunatatua mahitaji ya kila siku maishani mwetu. Ili miili yetu iweze kurejea, tunahitaji kupata mapumziko ya kutosha, ambayo ni pamoja na kulala vizuri usiku. Tukijikuta tumechoka mara kwa mara, itakuwa hekima kwetu kujitathmini si kwa kiasi cha usingizi tunaoupata usiku bali hata muda tunaoupata.

Kupumzika ni kuburudika. 

Ni kujifunza kitu kinachokutia nguvu na kisichokutia nguvu. Ni kuchagua kuingiza shughuli au utulivu unaokuletea burudiko katika nafsi zetu. Kama tukiendelea kufanya mambo yanayomaliza badala ya kufanya mambo yanayotijaza, burudiko halitakuja. Lazima tuwekeze zaidi katika ndoo kuliko kuchota nyakati za mapumziko.

Kupumzika ni kufanywa upya. 

Ni kufanywa upya kwa kila sehemu ya maisha yetu. Ni kukaa na Mungu ili kwamba tufanywe upya kiroho. Ingawa tunaweza kuwa tunapenda kufanya vitu flani vy kutufanya upya kiakili, mwishowe, tunahitaji roho zetu ziburudishwe kwa kukaa na Mungu kila siku.

Katika siku nne zijazo, tutaziangalia baadhi ya njia za miili yetu kupumzika, akili zet, na roho zetu. tutajifunza jinsi ya kuunganisha desturi zetu ambazo mwishowe zinakuwa tabia. Na kwa kufanya hivyo, tutakuwa tunaelekea kuondoa uchovu katika akili, hisia, roho, na mwili.

Tafakari

• Unapofikiria kupumzika, inaonekana kama haiwezekani?


• Ni eneo gani katika maisha yako unadhani linahitaji zaidi kupumzika? Mwili, akili, au roho?


• Andika mafunuo ambayo Mungu anazungumza na wewe kupitia kifungu cha leo cha Biblia au ibada.