Cynyddu Arweinyddiaeth gyda Doethineb BeiblaiddSampl

Pa mor aml wyt ti'n cyfyngu Duw a'r hyn sydd ganddo ar y gweill ar gyfer eich bywyd? Meddylia o ddifri ar hynny am funud. Sut mae dy syniadau mwyaf a'th weddïau mentrus yn cymharu â'i ddymuniadau a cynlluniau ar dy gyfer yn y byd hwn? Falle dy fod yn disgyn ar ochr arall y sbectrwm ac yn stryglo i fynd tu hwnt i dy ofn o fethiant, neu dwyt ti ddim yn meddwl bod Duw yn poeni fawr ddim am dy ymdrechion a dymuniadau.

Waeth bynnag ble wyt ti'n gosod dy hun, sylweddola bod Duw yn poeni amdanat ti. Mae e yna'n barod i wneud gymaint mwy nag y gallwn ofyn neu hyd yn oed ddychmygu oherwydd bod ei gynlluniau'n llawer gwell na'n cynlluniau ni. Er mod i'n gwybod hyn, dw i dal i gael fy hun dw i'n dal i gael fy hun yn cyfyngu ar Dduw gyda fy meddwl bach a byw'n ddiogel. I fod yn onest, mae'n chwithig a dw i ddim yn hoffi cyfaddef hynny. Falle dy fod yn meddwl, “Sut mae un o sylfaenwyr Ap Beibl YouVersion yn meddwl yn rhy fach?” Wel, dyna'r enghraifft berffaith rydw i'n mynd yn ôl ati yn barhaus.

Dim ond un enghraifft yw YouVersion. Ble roedd gen i ddiffyg ffydd ar un adeg, nawr mae gen i'r fendith o allu edrych nôl a sylweddoli gymaint o'm ymdrechion mae Duw wedi'u bendithio. Beth amdanat ti? Ble wyt ti ddim yn mentro? Os nad wyt ti'n siŵr, falle y dylet ti ofyn i ti dy hun ble mae gen ti ofyn methu? Falle mai ofyn cael dy wrthod neu ofn annigonolrwydd neu dy fod yn annheilwng. Mae'r ofnau hyn yn gallu ein gyrru i chwarae'n saff gan gyfyngu ar allu Duw i weithio trwyddo ni.

Mae bod â disgwyliadau mentrus ar gyfer beth all ac y bydd Duw'n ei wneud yn ran sylfaenol o gynyddu dy arweinyddiaeth. Gosod nodau sydd tu hwnt i bosibilrwydd am ein bod yn disgwyl i Dduw fod yna, yw bod â disgwyliadau mentrus. Mae credu ac arwain tuag at y dyfodol mewn ffydd yn rhan o'r daith rydyn ni arni fel dilynwyr Crist.

Yn ystod pob munud o bob dydd dŷn ni'n cael dewis beth dŷn ni'n feddwl a chredu. Mae ein meddyliau'n ddewis felly gad i ni eu dewis gyda doethineb a dewis beth sy'n anrhydeddu Duw. Wrth i ti ddechrau darllen y darlleniad heddiw dw i'n dy herio i brosesu stori Jonathan a'r gwas oedd yn cludo'i arfau. Dechreua gael synnwyr o'u disgwyliadau mentrus. Dydy ein penderfyniadau dyddiol ddim yn debyg o gwbl i rai Jonathan, ond fe all ein ffydd a'n meddylfryd fod felly.

O Dduw, siarada â fi nawr wrth imi agor dy Air. Gad i'r geiriau hyn dreiddio ddyfyn i'm henaid a rho imi ffydd a dewrder sy'n dy anrhydeddu a'th ogoneddu di.