Біблія жываяУзор

Біблія ўсё зьмяняе.

Уявіце сабе, што бязмежная цемра вакол і нічога нябачна пакуль Бог не загадаў: "Хай будзе сьвятло". І ў адно імгненьне ўсё зьмяняецца. Сьвятло прабівае цемру і тое, што раней было нябачным, стала выразна відаць. Адно Божае слова ўсё змяніла ... але на гэтым не спынілася.

Той жа самы Бог, па Слову Якога быў створаны ўвесь сусвет, працягвае моцаю Свайго Слова напаўняць сьвет жыцьцём. Божае Слова працягвае прабіваць цемру. Божае Слова зьмяняе жыцьці людзей і аднаўляе зламаныя сэрцы. Божае Слова жывое і дзейснае, таму што Бог жывы і Ён над усім пануе. І мы маем такую магчымасьць - звяртацца да Божага Слова кожны дзень.

Чым больш мы вывучаем Біблію, тым больш усведамляем Божую волю - каб кожны чалавек у сьвеце перажыў асабістую сустрэчу з Богам і меў блізкія з Ім адносіны.

Нягледзячы на тыя цяжкасьці і выпрабаваньні, якія мы перажываем, Божае Слова дзейнічае. Яно працягвае гучаць у сьвеце і прабіваць цемру, працягвае зьмяняць розных людзей, такіх як Гана, Суму, жыхары Папалукі, Сэмюэл Аджай Кроўтэр, Уільям Тындэйл. Божае Слова мае моц зьмяніць і цябе.

Час спыніцца і паглядзець на свой шлях. Як Божае Слова зьмяніла вас? І якім чынам Бог можа сёньня ажывіць Сьвятое Пісаньне ў вашым жыцьці?

Адзначце, што Бог ўжо зрабіў у вашым жыцьці. Паразважайце, як Бог дзейнічае ў навакольным сьвеце.

Крок наперад – прыміце рашэньне быць часткаю гісторыі, якую распавядае Бог. Гэта гісторыя пачалася ад стварэньня Сьвету, калі Бог прамовіў і ўсё сталася. І яна працягваецца, аж пакуль Ісус Хрыстос не прыйдзе зноў. Божая гісторыя пераўзыходзіць гістарычныя падзеі і пастаянна зьмяняе Сьвет.