Біблія жываяУзор

Біблія жывая

Біблія - Слова Божае для нас. Гэта запісаны аповед Бога праз людзей пра Яго характар і пляны збавіць і аднавіць чалавецтва. Кожная частка Пісаньня мае сілу даваць парады, выкрываць і перамяняць нас.

Прыгадайце час, калі вы адчувалі, што ваш розум аднавіўся, калі бачылі, што нейкая сфера ў вашым жыцьці мяняецца. Калі вы рэгулярна чытаеце або слухаеце Пісаньне, вы перажылі яго сілу натхняць, падбадзёрваць і нават матываваць вас.

Біблія - значна больш, чым урок гісторыі. Хаця ў ёй распавядаецца пра тое, што Бог зрабіў, таксама там паказана, што Бог зробіць. У ёй раскрываецца сюжэт, які Бог разгортвае на працягу гісторыі і які Ён хоча працягваць раскрываць праз нас.

Слова Божае дзейнічала ў сэрцах людзей ад пачатку часу, і натхненьне ім прыводзіла да трансфармацый гарадоў, народаў і кантынентаў.

Таму на гэтым тыдні мы будзем зноў радавацца з жывога дзеяньня Бібліі ў нашым сьвеце, углядаючыся ў аповед Бога праз хрысьціян на працягу гісторыі, аповед, які дэманструе здольнасьць Бібліі пранікаць праз цемру, прыносіць надзею, аднаўляць жыцьці і зьмяняць сьвет.