Біблія жываяУзор

Біблія перамяняе народы

Пачатак 1800-х. Дванаццацігадовы хлопец з Нігерыі і яго сям'я скрадзеныя з дому і прывезеныя на партугальскі карабель, які вязе рабоў у Амэрыку. Але яшчэ да таго, як судна выправілася ў падарожжа ад берагоў Афрыкі, яго правярае антырабаўладальніцкі патруль, які арыштоўвае перавозчыкаў. Хлопца і яго сям'ю вызваляюць і адпраўляюць у Сьера-Леонэ. Менавіта тут ён адкрывае для сябе сілу Бібліі.

Стаўшы хрысьціянінам, Сэмюэл Аджай Кроўтэр пачаў вывучаць розныя мовы і езьдзіць у місіянерскія падарожжы ў суседнія са Сьера-Леонэ краіны. Але ўвесь гэты час ён чытаў і вывучаў Біблію на ангельскай мове, бо на ёруба, яго роднай мове, яе не існавала.

Гэта значыла, што жыхары Нігерыі, якія не ведалі ангельскай, не маглі самастойна чытаць Слова Божае. Таму Аджай дапамог стварыць пісьмовую граматыку для мовы ёруба, а потым пераклаў на гэтую мову Біблію.

Калі ён скончыў гэты пераклад, то працягнуў перакладаць Пісаньне на іншыя мовы Нігерыі, каб больш людзей маглі перажыць зьмены ў жыцьці, якія перажыў ён сам.

Пазьней Кроўтэр быў абраны "епіскапам Нігерыі" англіканскай царквы, стаўшы першым чорнаскурым англіканскім епіскапам. На сённяшні дзень англіканская царква Нігерыі - другая па велічыні англіканская правінцыя, у якой пражывае больш за 18 мільёнаў ахрышчаных членаў царквы.

Бог, Які дзейнічаў праз Кроўтэра, таксама хоча дзейнічаць і праз вас, каб паўплываць на сьвет праз Сваё Слова. У сьвеце ёсьць людзі, якія могуць перамяніцца праз Біблію, і якіх толькі вы можаце дасягнуць.

Таму сёньня папрасіце Бога адкрыць вам тую ролю, якую вы можаце адыграць у Яго задумах, і вы ўбачыце, што Ён будзе рабіць праз вас больш, чым вы прасілі, думалі ці ўяўлялі.