Ісус: наш штандар перамогіУзор

Перамога над хваробай

Божае Слова кажа нам, што мы ацаліліся Ісусавымі ранамі. Калі Ісус памёр і ўваскрос, то Ён назаўжды паразіў грэх, сьмерць і хваробу ўва ўсіх іхных формах. Як цудоўна, што празь Яго мы ўдзельнічаем у гэтай перамозе! Але што для нас значыць перамога над хваробай, пакуль мы жывем у грэшным сьвеце?

Па ўсім Новым Запавеце мы бачым прыклады надзвычайных ацаленьняў, якія выканаў Ісус, а таксама апосталы празь сілу, што ў Ягоным імені. Чытаючы гэтыя сьведчаньні аб аздараўленьні, лёгка падумаць, што Бог заўсёды адкажа на нашыя малітвы аб хваробе пэўным спосабам: мамэнтальнае вызваленьне ад болю, поўнае пазбаўленьне невылечнага дыягназу альбо абсалютная перамога над хваравітым станам боязі й непакою. Дык што рабіць, калі наш досьвед ня спраўджвае нашыя спадзяваньні? Мы мусім быць асьцярожнымі, каб не абмяжоўваць неверагодную глыбіню таго, як выглядае аздараўленьне.

Апостал Павал сказаў нам у Рымлянаў 8:28, што Бог садзейнічае ва ўсім для дабра тым, хто Яго любіць. Тое не азначае, што ўсё, што здараецца, заўсёды будзе добрым - Ісусава перамога над грэхам ды сьмерцю ня выдаліла ўсе выпрабаваньні з нашага зямнога жыцьця. Насамрэч, у Яна 16:33 Ісус паабяцаў, што ў гэтым сьвеце мы будзем мець гора, і хвароба, бясспрэчна, зьяўляецца часткай цяжкасьцяў, якія мы перажываем. Хоць Бог часта і ўмешваецца рознымі звышнатуральнымі спосабамі, аднак нам не гарантуецца поўнае аздараўленьне па гэты бок нябёсаў. Але мы можам быць упэўненымі ў вечнай перамозе, якую гарантуе нашае збаўленьне. Мы правядзем вечнасьць у Божай прысутнасьці, поўныя радасьці й цалкам свабодныя ад хваробы, грэху, сьмерці, болю й непакою.

Ня падай духам, калі нейкая твая малітва, як падаецца, застаецца без адказу або калі нешта выйшла ня так, як ты спадзяваўся. Бог без сумневу чуе твае малітвы і ўва ўсім садзейнічае дзеля твайго дабра й Свае славы. У гэты велікодны час, папрасі Бога даць табе здольнасьць глядзець на рэчы з пэрспэктывы вечнасьці. Калі мы памятаем пра рэчаіснасьць неба, то мы здолеем маліцца сьмела і трываць усякія выпрабаваньні з пэўнасьцю, што мы перамагаем, незалежна ад выніку.

Спампуй сёньняшнюю выяву тут.