Ісус: наш штандар перамогіУзор

Перамога над грэхам

Калі Адам ды Ева не паслухаліся Бога й зьелі плод з дрэва спазнаньня дабра і зла ў Эдэмскім садзе, то грэх стаў часткай чалавечае натуры. Ад таго часу й дагэтуль, людзі нараджаюцца адлучанымі ад Бога праз той грэх. Паколькі Бог ёсьць бязгрэшны, Ён папросту ня можа знаходзіцца блізка каля грэху. У Старым запавеце, ізраільцяне мусілі часта прыносіць у ахвяру ягня без пахібы, каб загладзіць грэх. Ахвяра мусіла быць без пахібы, каб пакрыць доўг грэху - гэта было адзіным спосабам, як чалавек мог захаваць добрыя адносіны з Богам.

Ісуса часта называюць “Божым Ягнём”, бо Ягоная ахвяра на крыжы пакрыла грахі чалавецтва. Адным са шматлікіх цудаў крыжа зьяўляецца тое, што ён скасаваў праклён грэху Адама ды Евы: гэтак сама, як адзін акт грэху аддзяліў усё чалавецтва ад Бога, ахвяра, прынесеная адным бязгрэшным чалавекам, пакрыла грахі ўсяго чалавецтва ды адкрыла шлях да прымірэньня з Богам. Ісус памёр за нас, і праз гэта мы атрымалі магчымасьць зноў наладзіць адносіны з Богам. Калі Бог глядзіць на нас, то Ён ня бачыць нашага грэху - Ён бачыць праведнасьць Свайго Сына.

Пачынаючы гэта велікодны тыдзень, адвядзі трохі часу на тое, каб паразважаць над гэтым надзвычайным падарункам, які Ісус даў нам, калі Ён аддаў Сваё жыцьцё дзеля таго, каб заплаціць за наш грэх. Апостал Павал пачынае Рымлянаў 6:23 так: “Плата за грэх - сьмерць.” Мы, практычна, былі мёртвымі ў нашым няправедным стане, і нам было наканавана вечнае адлучэньне ад Бога. Але Павал працягвае верш гэткай збаўляльнай праўдай: “а дар Божы - жыцьцё вечнае ў Хрысьце Ісусе, Госпадзе нашым.” Праз Ісуса, доўг нашага грэху быў сплочаны, і мы правядзем вечнасьць у Божай прысутнасьці!

Апроч таго, паколькі Ісус агарнуў нас Сваёй праведнасьцю, мы зьяўляемся свабоднымі ад сілы грэху ў нашых жыцьцях. Не дазваляй сабе станавіцца рабом твае старое грэшнае натуры! Ісус перамог грэх і шчодра падзяліўся з табой той перамогай! Цябе вызвалілі дзеля свабоды. Дык будзь свабодным!

Спампуй сёньняшнюю выяву тут.