Ісус: наш штандар перамогіУзор

Перамога над пачуцьцём віны

Адна з мэтаў Шатана - гэта прымусіць нас жыць у цемры, увес час адчуваючы віну за нашыя мінулыя ўчынкі. Шатан ведае, што нават калі мы верым, што Ісус памёр за нашыя грахі, але працягваем адчуваць віну за грэх, то мы ня зможам цалкам атрымаць дабраславеньне ды свабоду, што дае Ягонае прабачэньне. Мы будзем жыць у цені нашага найгоршага грэху. У Яна 9:5 Ісус назваў Сябе сьвятлом сьвету. Але ў Мацьвея 5:14 ды 16 Ісус таксама сказаў: “Вы - сьвятло сьвету: ня можа схавацца горад, які стаіць на версе гары…Гэтак няхай сьвятло вашае сьвеціць перад людзьмі, каб яны бачылі вашыя добрыя справы і славілі Айца вашага, Які ў нябёсах.” Ісус ніколі не чакаў бы ад нас быць сьвятлом Ягонае славы, калі б Ён ня даў нам выйсьця зь цемры пачуцьця віны.

Псальма 102:10-12 кажа, што Божая любоў да нас ёсьць большая, чым мы можам сабе ўявіць, і што Ён аддаліў ад нас наш грэх гэтак далёка, што мы ня здолеем цалкам зразумець тую неверагодна вялікую адлегласьць. Памёршы на крыжы, Ён зьняў цяжар грэху з тых, хто верыць. Цяпер мы можам адвольна прыняць Ягонае прабачэньне, жыць без пачуцьця віны й адчуваць сябе пажаданымі ў Божай прысутнасьці.

Набліжаючыся да сьвяткаваньня Ісусава ўваскрасеньня, памятайма, што Ягоная сьмерць прынесла нам ня толькі дараваньне грахоў, але таксама й права адкіданьня пачуцьця віны. Доўг твайго грэху - нават твайго найгоршага грэху - быў сплочаны Ісусавай кроўю. Дык жыві ў свабодзе!

Спампуй сёньняшнюю выяву тут.<3>