Ісус: наш штандар перамогіУзор

Перамога над пачуцьцём сораму

Ворагу надта падабаецца размаўляць. Божае Слова кажа, што Шатан ходзіць, як рыклівы леў, шукаючы каго праглынуць. У Адкрыцьці ён названы нашым абвінаваўцам; там напісана, што ён вінаваціць нас дзень і ноч. Шатан хітры і ведае, што адзін з найлепшых спосабаў украсьці, забіць і загубіць патэнцыял, дадзены нам Богам, - гэта сказаць наконт нашага грэху нешта такое, што прымусіла б нас жыць з заўсёдным пачуцьцём бязвартаснасьці. Ён хоча, каб мы жылі ў сораме.

Бачыш, пачуцьцё віны датычыцца таго, што мы зрабілі, але пачуцьцё сораму датычыцца таго, кім мы ёсьць. Шмат хто з нас верыць, што Бог даруе нам усё, што мы зрабілі ня так, але ўсё адно дазваляе ворагу абвінавачваць нас і паралізаваць нас хлусьнёй пра нашую таясамасьць. Гэтая хлусьня перашкаджае нам прымаць і выконваць Божае прызначэньне на нашае жыцьцё. Мы мусім выкарыстоўваць здольнасьці й таленты, якія Бог даў нам, дзеля таго, каб нешта зьмяніць у гэтым сьвеце, але калі мы ня вызвалімся ад пачуцьця сораму й бязвартаснасьці, то мы ніколі ня здолеем цалкам выканаць усё тое, што Ён хоча, каб мы зрабілі.

Калі Ісус памяняў наш грэх на Сваю праведнасьць на крыжы, Ён зрабіў нас навюсенькімі. Тое, кім мы былі раней, ніяк не ўплывае на тое, кім мы ёсьць цяпер. Мы - Божыя дзеці. Ён цалкам прабачыў нас, агарнуў Сваёй ласкай і надзяліў сілаю рабіць вялікую справу дзеля Ягонае славы. Толькі гэта павінна ўплываць на нашую таясамасьць. Голас сораму, які не адпавядае праўдзе, папросту зьяўляецца хлусьнёю.

Падчас гэтага велікоднага тыдню, памятай тое, што Бог кажа пра цябе, Ягонага дзіцяці, і выкараняй усякія думкі, якія не адпавядаюць Ягонаму Слову. Ісус прыйшоў дзеля таго, каб мы жылі ў паўноце. Выкіні сорам і займіся выкананьнем твайго боскага прызначэньня!

Спампуй сёньняшнюю выяву тут.