Адамант зь Лісай БівіэрУзор

Бог кажа табе: “Ты мой адамант”. Ня важна, калі ты цяпер не адчуваеш сябе адамантам; незьнішчальная справа Мэсіі ўсё адно агортвае цябе. Паслухай, што Бог кажа пра цябе сёньня:

Ты мой адамант, цьвёрды, але празрысты - празь цябе людзі бачаць Мэсію.

Ты мой адамант - дух Мэсіі жыве ў табе і робіць цябе непахісным ды стойкім.

Ты мой адамант - ты маеш душу з агню!

Ісус прыйшоў, каб ахрысьціць нас Сьвятым Духам ды агнём. Мы мусім ахрысьціцца так. Калі мы нараджаемся згары, то нашыя мёртвыя сэрцы пачынаюць біцца праз агністую зыркасьць Ягонае вечнае любові.

Ты ня ведаеш, як ты выглядаеш у духу. Табе падаецца, што ты папросту вымаўляеш словы, але насамрэч ты вымаўляеш агонь! Ты кажаш рэчы, якія сьвятлом ды праўдаю выкрываюць ману ворага, якую людзі гэтак доўга чулі. Ты вымаўляеш агонь, які расплаўляе ланцугі. Ты мусіш памятаць гэта заўжды.

Дар, які ты атрымаў, ёсьць як агонь. Не пагасі яго. Дзьмі на вугольле ды разьдзьмухвай яго ў вялізнае полымя! Гэны агонь патрэбны іншым людзям, хай ён гарыць асьляпляльна ў табе й празь цябе, бо Ты - Божае дзіця, народжанае зноў ад Ягонае натуры.

Бог размаўляе з табой, нібыта ты ўжо ёсьць чалавекам, якім Ён хоча цябе бачыць. Ён гэтак шчыра верыць у Свой плян на тваё жыцьцё. Маючы гэта на ўвазе, што ты мусіш пакінуць (або пачаць) гаварыць сам сабе?

Калі табе спадабаўся гэты плян чытаньня, раю прачытаць маю новую кнігу Adamant: Finding Truth in a Universe of Opinions.