’n Huwelik wat werkVoorbeeld

Die katalisator van groei

Geen huwelik is probleemvry nie. Dit neem nie lank om dít agter te kom nie. Om twee lewens saam te smelt, het die manier om wrywing te veroorsaak!

Selfs huwelike wat redelik glad verloop, kom te staan voor die storms van die lewe:

• Onvrugbaarheid of miskrame
• Probleme met skoonfamilie
• Finansiële uitdagings
• Teleurstellings in die werkplek
• Hartseer as gevolg van kinders
• Ernstige siekte
• Of selfs die gewone verwisseling van een lewensfase na die ander

Om ’n goeie huwelik te hê, behels nie om hierdie storms te vermy nie. Dit hang af van ons vermoë om hierdie krisisse te hanteer. As julle weet wat gebeur en julleself daarvoor kan voorberei, kan moeilike tye katalisators word wat julle harte nader aan mekaar trek en julle eenheid bou.

Probeer die volgende stappe:

• Herken die geleentheid om te groei.
• Weier om van koers af te raak of slegs te fokus op die spesifieke probleem.
• Draai na mekaar toe en benader die probleme as ’n eenheid.

Die verbond van die huwelik is ontwerp om man en vrou saam te bring in die vlees (Gen. 2:24; Ef. 5:31). Hierdie eenheid is ’n realiteit die oomblik wat julle in die eg verbind word en dit word ervaar deur ’n lewenslange proses.

Wanneer twee mense hulle bagasie in ’n verhouding inbring, voel “een vlees” dalk soos ’n veraf droom. Met God se hulp, ferm toewyding en ’n doelgerigtheid om die storms van die lewe en konflik te oorleef deur te groei, word die belofte van “een vlees” een van die grootste belonings wat ’n mens kan beleef!