Genees deur Jesus Voorbeeld

Die Dankbare Een

In Lukas 17:11-19 word ons van die verhaal vertel waar Jesus op tien melaatses afgekom het. Hulle siekte was aansteeklik en het veroorsaak dat hulle deur die samelewing vermy is. Tog het hulle uitgeroep na Hom en gesê: "... Jesus, Here, ontferm U oor ons!" (Lukas 17:13). 

Op hulle versoek het Jesus nie in 'n gelykenis gepraat of hulle vrae gevra nie. Hy het eenvoudig vir hulle gesê: “... Gaan wys julle vir die priesters” (Lukas 17:14). Hulle het dit gedoen, en terwyl hulle op pad was, sê die vers dat hulle genees is. Elkeen van hulle is genees. 

Soos ons bespreek het, was die maniere waarop Jesus mense genees het uniek en selde eenders. Hierdie keer was dit weer so. Hierdie tien melaatses is genees toe Jesus hulle opdrag gegee het om na die priester toe te gaan. Hy het nie 'n lang gebed gebid wat die siekte bestraf het nie. Hy het hulle nie aangeraak sodat hulle siekte onmiddellik sou verdwyn nie. Nee, Hy het net vir hulle gesê om iets te doen, en terwyl hulle dit gedoen het, is hulle genees.

Dat tien mans so gespot en uit die samelewing weggegooi word en net een kom terug om Jesus te bedank, is vir ons nogal verbysterend, is dit nie? Ons sou verwag dat hierdie melaatses, wat siek en verag was, sou terugkom en aan die voete van Jesus sou val. Net een het dit gedoen. Een melaatse man het voor die voete van Jesus neergeval en Hom geprys.

Daar kom elke dag dinge in ons lewens voor wat ons met 'n dankbare hart na die voete van Jesus toe moet stuur. Baie dinge waarvan ons bewus is, soos gesonde verhoudings, lonende werk en finansiële voorsiening. Daar is egter ook baie dinge wat buite ons sig is en ons het geen idee hoe om selfs daarvoor dankbaar te wees nie. Ons weet nie waarvan God ons alles gespaar het nie, maar wees gerus, Hy het.

Laat ons dankbare mense word en ons dank aan ons goeie God betuig. Hy beweeg elke dag so kragtig in ons lewens. Hy dra ons wanneer ons bedruk word, en versterk ons ​​as ons swak is. Hy is die wonderlikste Een wat geskenke gee en verhoudings herstel. Hy is altyd naby ons en lei ons terwyl ons stappe neem om Hom meer te vertrou. Hy verdien absoluut ons dankbaarheid.