God By Ons

Vreugde: 'n Aftelling tot by Kersfees

’n Lewe van gebed

Prioriteit nommer één

7 Eenvoudige Idees Om God Te Aanbid

Deel Jesus met Vertroue

Ek leer die Heilige Gees ken

TYDBOM

Afrikaans 1983

<div class="version vid6 iso6393afr" data-vid="6" data-iso6393="afr">
 <div class="book bkLUK">
 <div class="chapter ch1" data-usfm="LUK.1.1+LUK.1.2+LUK.1.3+LUK.1.4+LUK.1.5+LUK.1.6+LUK.1.7+LUK.1.8+LUK.1.9+LUK.1.10+LUK.1.11+LUK.1.12+LUK.1.13">
 <div class="p">1Hooggeagte Teofilus!</div><div class="p">Daar is baie wat onderneem het om 'n verhaal te skrywe van die dinge wat onder ons gebeur het. 2Hulle het dit opgeteken soos dit aan ons oorgelewer is deur die mense wat van die begin af ooggetuies en dienaars van die Woord was. 3Daarom het ek dit ook goedgedink om self alles stap vir stap van voor af te ondersoek en die verhaal noukeurig in die regte volgorde vir u neer te skryf. 4So kan u te wete kom dat die dinge waaroor u onderrig is, heeltemal betroubaar is.</div><div class="s1">Die geboorte van Johannes die Doper word aangekondig</div><div class="p"> 5In die tyd van koning Herodes van Judea was daar 'n priester met die naam Sagaria, uit die diensgroep van Abia. Ook sy vrou het van A&#228;ron afgestam, en haar naam was Elisabet. 6Hulle was albei getrou aan die wet van God en het onberispelik al die gebooie en voorskrifte van die Here onderhou. 7Hulle het geen kind gehad nie, omdat Elisabet onvrugbaar was. Buitendien was albei reeds op ver gevorderde leeftyd.</div><div class="p"> 8Op 'n keer toe Sagaria in die beurt van sy diensgroep besig was om die priesterdiens voor God te verrig, 9is hy volgens die priesterlike gebruik deur die lot aangewys om in die tempel van die Here in te gaan en die wierook op die altaar te brand. 10Terwyl die wierookoffer gebring is, was die hele volksmenigte buite besig om te bid. 11Toe verskyn daar aan die regterkant van die wierookaltaar 'n engel van die Here aan hom. 12Sagaria het geskrik toe hy hom daar sien staan en hy het baie bang geword, 13maar die engel s&#234; vir hom: &#8220;Moenie bang wees nie, Sagaria, want jou gebed is verhoor. Jou vrou, Elisabet, sal aan jou 'n seun skenk, en jy moet hom Johannes noem. </div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bk1CH">
 <div class="chapter ch24" data-usfm="1CH.24">
 <div class="label">24</div><div class="s1">Dawid deel die priesters in diensgroepe in</div><div class="p"> 1Wat die A&#228;roniete betref, hulle afdelings moes di&#233; van die seuns van A&#228;ron gewees het: Nadab en Abihu, Eleasar en Itamar. 2Nadab en Abihu is egter dood v&#243;&#243;r hulle pa en hulle het nie seuns gehad nie. Daarom het net Eleasar en Itamar die priesterskap gekry. 3Dawid het hulle met behulp van Sadok, uit die nageslag van Eleasar, en Agimelek, uit die nageslag van Itamar, in diensgroepe ingedeel vir die uitvoering van hulle pligte. 4Toe hulle vind dat die nageslag van Eleasar meer manlike hoofde het as die nageslag van Itamar, het hulle die nageslag van Eleasar onder sestien familiehoofde en die nageslag van Itamar onder ag ingedeel. 5Hulle het hulle deur loting ingedeel, die een groep by die ander, sodat daar ampsdraers van die heiligdom, ampsdraers vir God, uit die Eleasargeslag &#233;n uit die Itamargeslag gekom het. 6Die administratiewe amptenaar Semaja, 'n Leviet, seun van Netanel, het hulle opgeskrywe in teenwoordigheid van die koning, die amptenare, die priester Sadok, Agimelek seun van Abjatar en die familiehoofde van die priesters en die Leviete. Telkens is twee families vir Eleasar en een vir Itamar geneem.</div><div class="p"> 7Die eerste lot het op Jojarib geval, die tweede op Jedaja, 8die derde op Garim, die vierde op Seorim, 9die vyfde op Malkija, die sesde op Mijamin, 10die sewende op Kos, die agste op Abia, 11die negende op Jesua, die tiende op Sekanja, 12die elfde op Eljasib, die twaalfde op Jakim, 13die dertiende op Guppa, die veertiende op Jesebab, 14die vyftiende op Bilga, die sestiende op Immer, 15die sewentiende op Gesir, die agtiende op Pisses, 16die negentiende op Petagja, die twintigste op Esegi&#235;l, 17die een en twintigste op Jakin, die twee en twintigste op Gamul, 18die drie en twintigste op Delaja en die vier en twintigste op Ma&#228;sja. 19Dit was die diensgroepe waarvolgens hulle vir die uitvoering van hulle pligte na die huis van die Here toe gekom het. Dit moes geskied volgens die orde wat A&#228;ron, hulle pa, neergel&#234; het in ooreenstemming met die bevel van die Here die God van Israel.</div><div class="s1">Die familiehoofde van die oorblywende Leviete</div><div class="p"> 20Wat die oorblywende Leviete betref, hulle familiehoofde was die volgende: Subael uit die nageslag van Amram, Jegdeja uit die nageslag van Subael, 21Jissija uit die nageslag van Regabja, 22Selomit uit die nageslag van Jishar, en Jagat uit die nageslag van Selomit. 23Uit die nageslag van Hebron was daar vier: Jerija, Amarja, Jagasi&#235;l en Jekamam. 24Miga was uit die nageslag van Ussi&#235;l, en Samir uit di&#233; van Miga. 25Jissija was Miga se broer, en Sagaria was die familiehoof uit die nageslag van Jissija. 26Die seuns van Merari was Magli en Musi. Uit die nageslag van Ja&#228;sija, 27'n seun van Merari, was Soham, Sakkur en Ibri familiehoofde. 28Uit die nageslag van Magli was daar Eleasar, maar hy het nie seuns gehad nie. 29Jeragme&#235;l was die familiehoof uit die nageslag van Kis. 30Die seuns van Musi was Magli, Eder en Jerimot.</div><div class="p">Dit is dan die Leviete volgens hulle families. 31Hulle het ook, naas hulle broers, die nageslag van A&#228;ron, deelgeneem aan die loting in teenwoordigheid van koning Dawid, Sadok, Agimelek en die familiehoofde van die priesters en die Leviete. Van elke familie is almal, van die hoof tot by sy jongste broer, ingereken.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bk2CH">
 <div class="chapter ch8" data-usfm="2CH.8">
 <div class="label">8</div><div class="s1">Salomo se administratiewe re&#235;lings</div><div class="r">(Vgl. 1 Kon. 9:10-28)</div><div class="p"> 1Na afloop van die twintig jaar waarin Salomo die huis van die Here en sy eie paleis gebou het, 2het hy die stede wat Hiram aan hom oorgedra het, weer opgebou en Israeliete daar gevestig. 3Hy het na Hamat-Soba toe gegaan en di&#233; ingeneem. 4Hy het Tadmor in die woestyn versterk, en ook al die voorraadstede wat hy in Hamat gebou het. 5Hy het Bet-Goron-Bo en Bet-Goron-Onder herbou, vestingstede met mure, poortdeure en sluitbalke; 6net so ook Ba&#228;lat en al die voorraadstede wat hy besit het, die stede vir die strydwamagte en die berede magte. Verder het hy al die bouwerk waarop hy besluit het, voltooi in Jerusalem, op die Libanon en dwarsdeur die land waaroor hy geregeer het.</div><div class="p"> 7Salomo het al die nie-Israeliete, die mense wat nog oor was van die Hetiete, Amoriete, Feresiete, Hewiete en Jebusiete, 8afstammelinge van di&#233; wat nie deur die Israeliete uitgeroei is nie en nog oor was in die land, dwangarbeid laat doen. Dit is vandag nog so. 9Salomo het nie die Israeliete as arbeiders gebruik vir sy projekte nie, want hulle was die soldate en die aanvoerders van sy strydwabemannings, sy strydwamag en sy berede mag. 10Daar was ook nog die volgende getal uitvoerende beamptes oor wie koning Salomo beskik het: twee honderd en vyftig wat gesag oor die volk uitgeoefen het.</div><div class="p"> 11Salomo het die dogter van die farao uit die Dawidstad laat trek na die paleis toe wat hy vir haar gebou het, &#8220;want,&#8221; het hy ges&#234;, &#8220;'n vrou van my kan nie in die paleis van koning Dawid van Israel woon nie; dit is 'n heiligdom, want die ark van die Here het daar gestaan.&#8221;</div><div class="p"> 12Salomo het brandoffers vir die Here gebring op die altaar van die Here wat hy reg voor die voorportaal gebou het. 13Die offers is gebring soos dit van dag tot dag moes gebeur volgens die voorskrif van Moses: op die sabbatte, die nuwemaansfeeste en die feestye drie maal per jaar, naamlik die fees van die ongesuurde brood, die fees van die weke en die huttefees. 14Salomo het, volgens die orde wat sy vader Dawid vasgestel het, vir die priesterafdeling hulle dienste bepaal en vir die Leviete hulle diensbeurte met die oog op die lofsang en die bystand aan die priesters soos dit van dag tot dag nodig was; so ook vir die afdelings poortwagte by elke poort. Dit is immers hoe Dawid, die man van God, dit voorgeskryf het. 15Hulle het ook nie afgewyk van die koninklike voorskrif vir die priesters en die Leviete ten opsigte van alles in verband met die voorraadkamers nie.</div><div class="p"> 16So is al Salomo se werk afgehandel, van die dag af dat die fondamente van die huis van die Here gel&#234; is totdat Salomo die tempel voltooi het.</div><div class="p"> 17Daarna is Salomo na Esjon-Geber en na Elat toe, aan die see by Edom. 18Hiram het vir hom skepe gestuur en ervare seemanne onder bevel van hulle eie offisiere. Hulle het met die manne van Salomo saamgegaan na Ofir toe en daar sowat vyftien en 'n half ton goud vir koning Salomo gaan haal.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bk2CH">
 <div class="chapter ch29" data-usfm="2CH.29">
 <div class="label">29</div><div class="s1">Hiskia laat die tempel skoonmaak</div><div class="p"> 1Hiskia het koning geword toe hy vyf en twintig was en hy het nege en twintig jaar in Jerusalem geregeer. Sy ma was Abi, 'n dogter van Sagaria. 2Hiskia het gedoen wat reg is in die o&#235; van die Here en het in alles die voorbeeld van sy voorvader Dawid gevolg.</div><div class="p"> 3Hy het in die eerste jaar van sy regering, in die eerste maand, die deure van die huis van die Here oopgemaak en hulle herstel. 4Daarna het hy die priesters en die Leviete laat kom en hulle op die Oosplein bymekaargebring 5en toegespreek: &#8220;Luister na my, Leviete! Reinig julle en reinig die huis van die Here, die God van julle voorvaders. Vat die vuilgoed uit die heiligdom uit. 6Ons voorvaders was ontrou en het gedoen wat verkeerd is in die o&#235; van die Here ons God. Hulle het Hom verlaat, die woning van die Here nie versorg nie en dit die rug toegekeer. 7Hulle het boonop die deure van die ingangsportaal gesluit, die lampe laat doodgaan en geen wierookoffer of brandoffer vir die God van Israel gebring in die heiligdom nie. 8Daarom het die toorn van die Here oor Juda en Jerusalem gekom, en Hy het van hulle iets gemaak waaroor mense net met afgryse vervul kan word en die hande van verbasing inmekaar kan slaan en kan fluit, soos julle met julle eie o&#235; sien. 9Ons vaders het gesneuwel, ons seuns en ons dogters en ons vrouens het gevangenes geword deur di&#233; dinge. 10En nou het ek my voorgeneem om 'n verbond te sluit met die Here die God van Israel, sodat die gloed van sy toorn van ons weggeneem sal word. 11Spring nou aan die werk, my seuns, want die Here het julle gekies om voor Hom diens te doen en sy dienaars te wees wat vir Hom offerandes moet bring.&#8221;</div><div class="p"> 12Toe het die volgende Leviete na vore getree: uit die Kehatgroep Magat seun van Amasai, en Jo&#235;l seun van Asarja; uit die Merarigroep Kis seun van Abdi, en Asarja seun van Jehallelel; uit die Gersongroep Joag seun van Simma, en Eden seun van Joag; 13uit die Elisafangroep Simri en Je&#239;el; uit die Asafgroep Sagaria en Mattanja; 14uit die Hemangroep Jegi&#235;l en Simi; en uit die Jedutungroep Semaja en Ussi&#235;l. 15Hulle het hulle ampsgenote bymekaargeroep, almal het hulle gereinig en het toe die huis van die Here gaan skoonmaak soos die koning beveel het in ooreenstemming met die voorskrifte van die Here.</div><div class="p"> 16Die priesters het die huis van die Here binne gaan skoonmaak. Hulle het alles wat nie rein was nie, wat hulle in die tempel van die Here gekry het, na die voorhof toe uitgebring, en die Leviete het dit gevat en dit buite in die Kedrondal gaan weggooi.</div><div class="p"> 17Hulle het met die reiniging begin op die eerste dag van die eerste maand, en op die agste dag van die maand het hulle by die ingangsportaal van die Here uitgekom. Daarna het dit hulle nog ag dae gekos om die huis van die Here te reinig. Op die sestiende dag van die eerste maand was hulle klaar. 18Toe het hulle by koning Hiskia in die paleis verslag gaan doen: &#8220;Ons het die hele huis van die Here gereinig, ook die brandofferaltaar met sy toebehore en die tafel vir die offerbrood met sy toebehore, 19en ons het verder al die goed wat koning Agas in sy regeringstyd ontwy laat raak het deur sy troueloosheid, in hulle oorspronklike staat herstel en gewy. Hulle is daar voor die altaar van die Here.&#8221;</div><div class="s1">Die heringebruikneming van die tempel</div><div class="p"> 20Die volgende m&#244;re vroeg het koning Hiskia al die stadsamptenare laat bymekaarkom en is hy na die huis van die Here toe. 21Hulle het sewe jong bulle, sewe skaapramme, sewe lammers en sewe bokramme gebring as sondeoffers vir die koningskap, die heiligdom en Juda. Die koning het die priesters uit die geslag van A&#228;ron beveel om die offerandes op die altaar van die Here te sit. 22Die priesters het die beeste geslag, die bloed opgevang en dit oor die altaar gesprinkel. Daarna het hulle die skape geslag en die bloed oor die altaar gesprinkel. Daarna het hulle die lammers geslag en die bloed ook oor die altaar gesprinkel. 23Toe het hulle die sondeofferbokke voor die koning en die gemeente gebring en hulle hande op die diere gel&#234;, 24en daarna het die priesters hulle geslag en die bloed as 'n sondeoffer uitgegiet op die altaar om vir die hele Israel versoening te doen. Die koning het bepaal dat die brandoffer en die sondeoffer vir die hele Israel moes wees.</div><div class="p"> 25Die koning het die Leviete plek laat neem met simbale, harpe en liere in die huis van die Here volgens die opdrag van Dawid en van Gad, die siener van koning Dawid, en van die profeet Natan, want dit was 'n opdrag wat van die Here self gekom het deur middel van sy profete. 26Die Leviete het reggestaan met die instrumente van Dawid, en die priesters met trompette. 27Hiskia het opdrag gegee dat die brandoffer op die altaar gesit moet word, en die oomblik toe die offer begin, het die lied van die Here begin, die trompette geblaas en die musiekinstrumente van Dawid koning van Israel gespeel. 28Terwyl die sang weerklink en die trompette skal, het die hele gemeente in aanbidding gebuig. Dit het alles aangehou tot die offer afgehandel was. 29Toe die offer afgehandel was, het die koning en almal wat by hom was, gekniel en gebuig. 30Hy en die amptenare het toe die Leviete beveel om die Here te loof met die liedere van Dawid en die siener Asaf. Die Leviete het die lofliedere vol vreugde gesing en op hulle knie&#235; geval en vooroor gebuig.</div><div class="p"> 31Hiskia het weer die woord geneem en vir die volk ges&#234;: &#8220;Julle is nou aan die Here gewy. Bring nou julle diereoffers en julle dankoffers vir die huis van die Here.&#8221;</div><div class="p">Die gemeente het toe diereoffers en dankoffers gebring en elkeen wat wou, het vrywillig ook nog brandoffers gebring. 32Die getal brandoffers wat die gemeente gebring het, was sewentig beeste, honderd ramme en twee honderd lammers, alles brandoffers vir die Here. 33Die wydingsgeskenke was ses honderd beeste en drie duisend stuks kleinvee. 34Maar daar was te min priesters en hulle kon nie alleen al die offerdiere slag nie. Toe het hulle ampsgenote, die Leviete, hulle gehelp tot die werk klaar was en al die priesters hulleself gewy het, want die Leviete was pligsgetrouer met die wyding as die priesters. 35Daar was boonop nog 'n groot aantal brandoffers en die vetgedeeltes van die maaltydoffers en die drankoffers wat by die brandoffers gebring moes word. So is die tempeldiens weer gevestig. 36Hiskia en al die mense was bly oor wat God vir die volk beskik het, want die hele saak is vinnig afgehandel.</div>
 </div>
 </div>
</div>

Die 49-week UitdagingVoorbeeld

Skrif

Aangaande hierdie leesplan

Verwante Leesplanne