Soma Biblia Kila Siku Oktoba/2022Mfano

Neno lake lilikuwa na uwezo (m.32). Uwezo huo ulionekana kwa vile alivyowafundisha kwa maneno mazuri sana. Wakamshuhudia wote, wakiyastaajabia maneno ya neema yaliyotoka kinywani mwake, wakasema, Huyu siye mwana wa Yusufu? ... Wakashangaa mno kwa mafundisho yake, kwa kuwa neno lake lilikuwa na uwezo (m.22, 32). Pia ulionekana kwa vile pepo mchafu alivyohangaika humo ndani. Kwake neno la Yesu lilikuwa kama moto, alijisikia kuangamizwa akisema, Acha! Tuna nini nawe, Yesu wa Nazareti? Umekuja kutuangamiza? (m.34). Pepo alikuwa na nguvu ya kuweza hata kumwangusha yule mtu. Ila kumdhuru hakuweza. Ndipo Yesu akamkemea, akisema, Fumba kinywa, mtoke. Ndipo yule pepo akamwangusha katikati, akamtoka asimdhuru neno (m.35). Tanzania nimeona mara kwa mara tukio kama hili. Nimeona kwamba hata leo Yesu ni mwenye mamlaka juu ya Shetani kama tulivyoona katika somo la juzi. Usihofu, maana Yesu anakupenda sana!