Soma Biblia Kila Siku Juni/2022Mfano

Kutoka hali ngumu na aibu kubwa Yusufu akapandishwa juu sana!Farao akamwambia Yusufu, Tazama, nimekuweka juu ya nchi yote ya Misri(m.41). Wamisri walimpigia magoti (m.43), na akapewa jina la Kimisri (m.45; "Oni" = makao makuu ya kumwabudu mungu wao Ra). Ni mfano wa Yesu:Alijinyenyekeza akawa mtii hata mauti, naam, mauti ya msalaba. Kwa hiyo tena Mungu alimwadhimisha mno, akamkirimia Jina lile lipitalo kila jina; ili kwa jina la Yesu kila goti lipigwe(Flp 2:8-9)! Tazama tena Flp 2:3-5 ukizingatia Neno la Munga kwamba,Msitende neno lo lote kwa kushindana wala kwa majivuno; bali kwa unyenyekevu, kila mtu na amhesabu mwenziwe kuwa bora kuliko nafsi yake. Kila mtu asiangalie mambo yake mwenyewe, bali kila mtu aangalie mambo ya wengine. Iweni na nia iyo hiyo ndani yenu ambayo ilikuwamo pia ndani ya Kristo Yesu.