Soma Biblia Kila Siku Juni/2022Mfano

Mfalme Farao alikuwa mtawala mkubwa na tajiri sana. Kati ya watumishi mbalimbali waliohudumia ni huyu mwokaji aliyeoka mikate pamoja na mnyweshaji ambaye alikuwa mtunza vinywaji mkuu. Hatujui ni makosa gani waliyofanya. Lakini ni watu muhimu sana, maana kwa njia ya kinywaji au mkate maadui wa mfalme wangeweza kumwua kwa kutumia sumu! Kwa kuwapa ndoto, Mungu akamfanya Yusufu ajulikane kama mtu ajuaye kufasiri ndoto kwa uwezo wa Mungu (m.8). Kwa uwezo wa Mungu akafasiri ndoto hiyo (m.12). Baadaye ilimfungulia njia. Katika 41:14 tunasoma,Farao akapeleka watu, akamwita Yusufu, wakamleta upesi kutoka gerezani. Akanyoa, akabadili nguo zake, na kuingia kwa Farao.