Soma Biblia Kila Siku Mei/2022Mfano

Ufalme wa Sulemani ulipokuwa ukiimarika, Adonia alionyesha bado kutokuridhika. Alionyesha malalamikoakasema, Wajua ya kwamba ufalme ulikuwa wangu, na Israeli wote wakaniwekea nyuso zao ili nimiliki mimi; walakini sasa ufalme umegeuka kuwa wake ndugu yangu; kwa maana ulikuwa wake kutoka kwa Bwana(m.15). Tamaa yake ya kuwa mtu wa hadhi ilimsukuma Adonia kutaka aozeshwe Abishagi, binti aliyemtumikia mfalme Daudi. Kwa hila alimtaka Bath-sheba amwakilishe kwa mfalme Sulemani. Jambo hili lilimkasirisha mfalme. Aliona ni uhaini. Aliona Adonia akipewa anachoomba, Yoabu jemadari wa jeshi, na Abiathari kuhani watataka warudishiwe hadhi zao. Jambo hilo lilimletea Adonia kifo. Tamaa ni mbaya.