Soma Biblia Kila Siku Aprili/2022Mfano

Huu ni mwanzo wa mlo ule uitwao ”Meza ya Bwana.” Ili kusherehekea Pasaka siku hizi, huwa tunakula chakula kizuri kuliko kawaida tukisema, ”Tumekula pasaka.” Ni desturi nzuri. Huenda wengine hawafurahi sana kwa vile wameshindwa kuandaa chakula kizuri, ila tusisahau kwamba kwa Mkristo, maana ya kwanza ya ”kula pasaka” ni kushiriki kwenye Meza ya Bwana. Yesu ana hamu sana kushirikiana nawe anasema,Nimetamani sana kuila pasaka hii pamoja nanyi kabla ya kuteswa kwangu(m.15). Kwa mlo huu anathibitisha kuwa tunasamehewa dhambi kwa ajili ya yeye kujitoa msalabani. Ndiyo maana yake kusema,Kwa maana hii ndiyo damu yangu ya agano, imwagikayo kwa ajili ya wengi kwa ondoleo la dhambi(Mt 26:28)!