Soma Biblia Kila Siku 09/2020Mfano

Mungu hatutumii sisi (vyombo vya udongo) ili kuonesha thamani ya vyombo vinavyoharibika. Bali anataka kuonesha wokovu usioharibika. Mungu anaishi na kutenda kazi ndani yetu. Tuna thamani kubwa na isiyopimika mbele ya Mungu. Ingawa tunaonekana dhaifu, Mungu ametupa uwakili wa Neno lake. Wajibu wetu ni kumwakilisha Yesu Kristo kwa wengine. Wengine wamwone Yesu Kristo kupitia kwetu. Linganisha na mfano wa Yesu katika Mt 25:31-46, jinsi Mfalme anavyosema, Kadiri mlivyomtendea mmojawapo wa hao ndugu zangu walio wadogo, mlinitendea mimi(m.40), na tena, Kadiri msivyomtendea mmojawapo wa hao walio wadogo, hamkunitendea mimi(m.45).