Plani i Zotit Për Jetën TëndeShembull

Në disa vargje më poshtë, Zoti thotë,… "Kur të mbushen shtatëdhjetë vjet për Babiloninë, unë do t’ju vizitoj dhe do ta realizoj fjalën time të mirë, duke bërë të riktheheni në këtë vend." Jeremia 29:10 ALBB (theks i shtuar)

Shtatëdhjetë vjet! Shumica prej nesh nuk janë aq të durueshëm sa të presin diçka as për 70 sekonda, jo më për 70 vjet.

E gjitha kjo është konteksti i vargut tjetër që me siguri e ke dëgjuar edhe më parë: “Sepse unë i njoh mendimet që kam për ju," thotë Zoti, "mendime paqeje dhe jo të së keqes, për t’ju dhënë një të ardhme dhe një shpresë.” Jeremia 29:11 ALBB

Këtu janë tre gjëra në lidhje me planin e Zotit që duhet të dish:

1.) Planet e mira mund të kërkojnë kohë. Zoti u tha Izraelitëve se ata do të ishin në robëri për 70 vjet. Shumë nga njerëzit që po dëgjonin atë mesazh nuk do ta shihnin kurrë anën tjetër të atij premtimi. Ndonjëherë, mund të duket sikur po zgjat një përjetësi që Zoti të të zbulojë planin e Tij. Realiteti është që ti mund të mos shikosh kurrë rezultatin e plotë të asaj që Zoti ka në plan për jetën tënde—ti mund të jesh duke ndikuar në brezat e ardhshëm gjatë rrugëtimit tënd dhe as që nuk e di këtë!

2.) Sezonet e pritjes nuk janë sezone të humbura kot. Vur re se Zoti nuk u tha Izraelitëve vetëm të prisnin dhe të mos bënin asgjë për shtatëdhjetë vjet. Ai u tha atyre të punonin për paqen dhe prosperitetin e qytetit që Ai i dërgoi. Kudo që të jesh tani, Zoti mund të të përdorë! Mos e humb mundësinë të bësh një ndikim për Mbretërinë taniduke pritur për një sezon ku Zoti nuk të ka vënë ende.

3.) Planet e Tij janë të mira. Sido që të jetë sezoni ku gjendesh tani, premtimi i Jeremias 29:11 është i vërtetë: Zoti ka plane të mira për ty—plane për një të ardhme dhe një shpresë. Mund të mos duket sikur gjithçka po funksionon tani, por nëse vazhdon t'i besosh Zotit me të ardhmen tënde, do të shikosh të mirën në anën tjetër të saj.