Зургаан өдөр Бурханы нэрсээрЗагвар

1 ДЭХ ӨДӨР: ЭЛ ЭМҮНА – ИТГЭМЖТЭЙ БУРХАН

Бид өөрсдийгөө итгэмжтэй хүмүүс гэж бодохыг хүсдэг. Бид ажил дээрээ цагтаа очдог (ихэнхдээ л дээ) мөн бид ажлаа хичээнгүйлэн хийдэг. Гэр бүл болон найзууддаа бид цаг гаргадаг. Чуулгандаа бид идэвхтэй байж сайн дурын үйл ажиллагаанд бүртгүүлдэг. Гэвч итгэмжтэй байхаар хэчнээн хичээл зүтгэл гаргалаа ч бид төгс бус хүмүүс. Хуралд сууж чадахгүй байх, хүүхдийн сургуулийн тэмцээнийг үзэж чадахгүй байх эсвэл сайн дурын гүйцэтгэх ажлаа мартах нь гарцаагүй.

Бид итгэмжтэй хүмүүс байж чадахгүй учраас итгэмжит Бурханд үйлчилдэг болохоо мэдэх нь тайвшруулахуйц аж. Эл Эмүна гэдэг Түүний нэр нь "итгэмжит Бурхан" ба ирэх болно бас ханцуйгаа шамлан амьдралд минь ажлаа хийх болно гэдэгт нь бид үргэлж найдаж болохуйц гэсэн утгатай. Амлалтаа үргэлж биелүүлдэг үү? Тийм. Залбирлыг маань үргэлж сонсдог уу? Тийм. Бидэнтэй үргэлж хамт байдаг уу? Тийм.

Бусдад бүрэн итгэмжтэй байхад саад болох ямар нэгэн зүйл амьдралд маань тохиолддог. Бид хүн учраас л өөрсдийнхөө тусгац, хувиа хичээсэн байдал, шуналд үндэслэн сонголт хийхдээ соригддог. Энгийнээр хэлбэл, бид үргэлж төгс байж чаддаггүй. Гэвч бид очиж чадахгүй байх үед Бурхан очдог. Мөн Тэр зөөлнөөр биднээр онцгойлон хийлгэхээр бэлтгэсэн Өөрийнхөө ажил болох—итгэмжтэй байх бас бусдад туслахаар очдог байх ажилд биднийг эргүүлэн чиглүүлдэг. Өөрсдийнхөө төгс бус байдлын үедээ Түүний төгс байдал руу эргэх үед Түүний итгэмжит байдал нь биднийг өөрчилдөг.

Энэ чимээгүй цаг танд онцгой санагдсан бол Жохова Жайра гэдэг нэрэн дээр хийгдсэн сургаалийг бэлэг болгон татаж авахыг танд санал болгож байна. Эндээс Тони Эвансийн сургаалийг бүтнээр нь татаж авах хүсэлтээ гаргана уу.