បន្ទប់ដកខ្យល់ដង្ហើម គំរូ

ប្រាក់កាសមិនមែនគ្រាន់តែជាលុយទៅកាន់ព្រះជាម្ចាស់ឡើយ។ វាមានអត្ថន័យជាង លុយដុល្លា កម្ចី និង គម្រោងចាយថវិកាទៅទៀត។ ចំពោះព្រះជាម្ចាស់ ទិសដៅនៃប្រាក់កាសរបស់អ្នក បង្ហាញអំពីការចាប់ចិត្ដរបស់អ្នក។របៀបដែលអ្នកចាយវាយប្រាក់ទាំងនោះ (ឬតាមអ្វីដែលយើងឃើញនាសព្វថ្ងៃនេះ ទោះបើអ្នកស្ម័គ្រចិត្ដនឹងមិនចំណាយទាំងអស់ក៏ដោយ) គឺបង្ហាញពីរបៀបដែលអ្នកប្ដេជ្ញាចិត្ដ​នៅក្នុងការដើរតាមព្រះអង្គ។ ហេតុនេះហើយ បានជាការដែលយើងមាននូវព្រំប្រទល់—ឬទីកន្លែងដកដង្ហើម—មិនមែនគ្រាន់ជាផ្លូវដ៏ល្អបំផុត សម្រាប់ចាត់ចែងនូវកាលវិភាគរបស់អ្នកតែប៉ុណ្ណោះទេ តែវាជារបៀបដ៏ល្អបំផុតផងដែរ សម្រាប់ការចាត់ចែងនូវប្រាក់កាសរបស់អ្នក។

ដូច្នេះ តើវាមានន័យយ៉ាងដូចម្ដេចទៅ ចំពោះការដែលយើងចេះចាត់ចែងប្រាក់កាស ដោយមានព្រំដែននោះ? វាមានន័យថា អ្នកមិនចំណាយប្រាក់កាសទាំងប៉ុន្មានដែលអ្នកខំស្វែងរកនោះឡើយ។ អ្នកគួរតែទុកឲ្យមានចន្លោះកន្លែងដកដង្ហើមខ្លះ រវាងប្រាក់ដែលហូរចូល និងប្រាក់ដែលហូរចេញ នោះ។ ខគម្ពីរសម្រាប់ថ្ងៃនេះ នៅក្នុង កណ្ឌគម្ពីរលូកា បានពន្យល់ពីមូលហេតុ ថាហេតុអ្វីបានជា ការចាត់ចែងប្រាក់កាសរបស់អ្នកពិតជាសំខាន់ចំពោះព្រះជាម្ចាស់។ នៅចុងបញ្ចប់នៃប្រស្នា ព្រះយេស៊ូបានបញ្ជាក់ប្រាប់ឲ្យអ្នកស្ដាប់បានយល់យ៉ាងច្បាស់ អំពីចំណុចដែលព្រះអង្គបានលើកឡើង ទាំងថ្លែងថា៖ "អ្នកមិនអាចបម្រើចៅហ្វាយពីរបាននោះឡើយ...អ្នកមិនអាចបម្រើព្រះផង និងប្រាក់កាសផងបានទេ"។ ជាងពីរពាន់ឆ្នាំមុន មនុស្សនៅក្នុងសម័យព្រះយេស៊ូ ដែលជាអ្នកបានស្ដាប់ទ្រង់ អាចជាមនុស្សស្ថិតនៅក្នុងទាសភាព និងជាប់បំណុលសងគេមិនរួចដែរមើលទៅ។​ សព្វថ្ងៃនេះ ម្ចាស់ការរបស់អ្នកប្រហែលជា ក្រុមហ៊ុនកាតប្រាក់វីសា ឬគ្រឹះស្ថានហិរញ្ញវត្ថុ ដែលឲ្យជាកម្ចីផ្សេងៗដល់អ្នក។ ប៉ុន្តែ ជាក់ស្ដែង អ្វីដែលព្រះយេស៊ូមានបន្ទូលគឺដូចតែគ្នាទេ៖ នោះគឺថា មានមនុស្សមួយផ្សេងទៀត ដែលអាចប្រើអ្នក និងបញ្ជារូបអ្នក តាមអំពើ និងឲ្យធ្វើអ្វីៗក៏បាន នៅក្នុងជីវិតមួយនេះរបស់អ្នក។

ព្រះជាម្ចាស់ប្រហែលកំពុងដាស់តឿនអ្នកឲ្យរើទៅកាន់ទីក្រុងមួយថ្មី ប៉ុន្តែ អ្នកមិនអាចទៅ ដោយអ្នកមិនទាន់បង់រួចថ្លៃបំណុល ឬមានប្រាក់បង់រំលួសសម្រាប់ផ្ទះទេ ហើយផ្ទះរបស់អ្នកក៏លក់មិនចេញទៀត។ ដូច្នេះ អ្នកមិនមានសេរីភាពនៅក្នុងប្រព្រឹត្ដតាមព្រះនោះដែរ។ ព្រះអង្គប្រហែលជាត្រាស់ហៅឲ្យអ្នក យកកូនណាម្នាក់មកចិញ្ចឹម ប៉ុន្តែ ប្រសិនបើអ្នកចំណាយ មិនដែលគិតខំសន្សំទេ នោះអ្នកក៏មិនមានគ្រប់គ្រាន់សម្រាប់រ៉ាប់រងរាល់ការត្រូវចំណាយ សម្រាប់ថ្លៃចិញ្ចឹមដែរ។ ម៉្លោះហើយ អ្នកមិនមានសេរីភាពក្នុងការធ្វើតាមព្រះដូចគ្នា។ ឬប្រហែលជាអ្នកមានអារម្មណ៍ថា ត្រូវដល់វ័យលាលែងពីការងាររបស់អ្នកហើយ ប៉ុន្តែក្រុមគ្រួសាររបស់អ្នកនឹងត្រូវរងទុក្ខ ប្រសិនបើគ្មានប្រាក់ខែរបស់អ្នកសម្រាប់ផ្គត់ផ្គង់ទេនោះ ដោយសារតែអ្នកកំពុងចំណាយលុយ ទាំងប៉ុន្មានដែលអ្នករកបាន ទាំងម្កាក់មួយសេននោះ។​

របៀបដែលអ្នកចាត់ចែងប្រាក់កាសរបស់អ្នក ពិតជាសំខាន់ចំពោះព្រះជាម្ចាស់ ដោយសារតែ ប្រាក់នៅបាតនៃគណនីធនាគាររបស់អ្នក អាចជាកត្តារារាំងមិនឲ្យអ្នកសម្រេចចិត្ដ យល់ព្រម ចំពោះអ្វីដែលជាការត្រាស់ហៅរបស់ព្រះ សម្រាប់ឲ្យអ្នកធ្វើនោះ។

ហេតុនេះហើយ បានជាអ្នកត្រូវមានចន្លោះ ឬកន្លែងដកខ្យល់សម្រាប់ផ្នែកថវិការបស់អ្នក។ ការចាត់ចែងព្រំដែននៃប្រាក់កាសរបស់អ្នក (ឧទាហរណ៍៖ មិនជាប់បំណុល, មានភាពជាម្ចាស់ការលើការចំណាយ, ដាក់ប្រទល់ខណ្ឌមួយចំនួនសម្រាប់របៀបរស់នៅរបស់អ្នក) អាចឲ្យអ្នកមានសេរីភាព សម្រាប់ធ្វើជាមនុស្សមានចិត្ដសប្បុរស អាចមានចិត្ដនៅក្នុងការបម្រើអ្នកដទៃ អាចនិយាយថា យល់ព្រម នៅពេលដែលព្រះអង្គមានបន្ទូលថា៖ ចូរចេញទៅនោះដែរ។ ទង្វើទាំងប៉ុន្មាននេះ ផ្ដល់ឲ្យអ្នកមាននូវសេរីភាព នៅក្នុងការដើរតាមព្រះជាម្ចាស់យ៉ាងត្រឹមត្រូវ នៅក្នុងលក្ខណៈដ៏ល្អប្រសើរបំផុត ដែលព្រះអង្គមានសម្រាប់ជីវិតរបស់អ្នក។