ជំហានដំបូងរបស់អ្នកគំរូ

អាន

ចង់មានមតិអីបន្ថែមទៀតអត់? មែន វាមានអារម្មណ៍ថាគេមានមតិយោបល់យ៉ាងច្រើន ហើយវាច្រើនជាងផែនដីនេះ មានមនុស្សទៅទៀត។ ហើយរាល់មតិយោបល់ទាំងនោះ គឺវាតែងតែឆ្លាស់ ហើយផ្លាស់ប្ដូរជានិច្ច។ គិតឱ្យស្មោះទៅ វាពិតជាពិបាកនឹងតាមទាន់ណាស់។

ទស្សនៈតែងតែផ្លាស់ប្ដូររបស់វប្បធម៌សង្គម បង្កឱ្យយើងចោទជាសំណួរមួយថា៖ «តើសេចក្ដីពិតគឺជាអ្វី?»

ប្រសិនបើអ្នកនឹងដើរតាមព្រះយេស៊ូវ នោះអ្នកនឹងត្រូវការមានយុថ្កាដាក់ទៅក្នុងសេចក្ដីពិតសម្រាប់ជីវិតរបស់អ្នក។ នេះគឺជាកត្តាដ៏សំខាន់មួយ ដែលធ្វើឱ្យគ្រីស្ទបរិស័ទមានលក្ខណៈខុសប្លែកពីមនុស្សដទៃ ដែលជាអ្នកមិនដើរតាមព្រះយេស៊ូវ៖ នោះគឺថា យើងដាក់ជីវិតរបស់យើង និងចុះចូលទៅក្នុងការរស់នៅ ដែលស្របតាមសេចក្ដីពិតនៃព្រះបន្ទូលព្រះ។ យើងមិនមែនជាមនុស្សដែលងាយយោលទៅតាមមតិយោបល់ទាំងឡាយរបស់មនុស្សទេ។ ជួសវិញ គឺយើងប្រឹងព្យាយាមរស់នៅជីវិតរបស់យើង ឱ្យតម្រឹមតាមអ្វីដែលព្រះគម្ពីរបានបង្រៀន។

ហើយរបៀបរស់នៅ គឺមានតែមួយប៉ុណ្ណោះ ដែលយើងអាចធ្វើទៅបាន នោះគឺ៖

អាន។

ស្ដាប់។

សិក្សា។

ប្រសិនបើយើងនឹងដើរតាមព្រះយេស៊ូវ នោះយើងត្រូវតែថ្នឹកជាមួយនឹងការបង្រៀនរបស់អត្ថបទព្រះគម្ពីរ។ ហើយនាំការរស់នៅរបស់យើង ឱ្យតម្រឹមតាមអ្វីដែលព្រះបន្ទូលបង្រៀនដល់យើង។ យើងត្រូវតែរស់នៅ ដែលមានការឆ្លើយតបចំពោះសេចក្ដីពិត មិនមែនចេះតែប្រតិកម្មចំពោះវប្បធម៌សង្គមនោះឡើយ។