ព័ត៌មានគម្រោងអាន
ការចាត់ចែងពេលវេលាតាមព្រះគំរូ
ទាញយកកម្មវិធី
ស្រឡាញ់ខ្លួនជាមួយនឹងពេលវេលារបស់អ្នក
ដើម្បីឱ្យយើងអាចមានលទ្ធភាពក្នុងការស្រឡាញ់ដល់អ្នកដទៃឱ្យបានល្អ នោះយើងត្រូវការចំណាយពេល ដើម្បីចេះស្រឡាញ់ខ្លួនឯងឱ្យបានល្អដែរ។ រឿងនេះមិនគ្រាន់តែឱ្យយើងត្រូវការមើលថែទាំខ្លួនខាងឯផ្លូវកាយតែប៉ុណ្ណោះទេ ប៉ុន្តែត្រូវមានការថែទាំខ្លួនខាងឯផ្នែកវិញ្ញាណ ផ្លូវអារម្មណ៍ និងខាងចិត្តគំនិតផងដែរ។ នៅពេលដែលយើងចេះគោរពខ្លួន ដោយហ៊ានចំណាយពេលវេលារបស់យើងសម្រាប់ខ្លួនឯង នោះយើងអាចមានលទ្ធភាពធំធេងជាងដើម្បីបង្ហាញពីផលផ្លែនៃព្រះវិញ្ញាណនៅក្នុងជីវិតរបស់យើង។ នៅពេលណាដែលយើងមិនបានស្រឡាញ់ខ្លួនឯងជាមួយនឹងពេលវេលារបស់ខ្លួន នោះការបង្ហាញពីផលផ្លែនៃព្រះវិញ្ញាណអាចជារឿងទាស់ទាល់លំបាកសម្រាប់យើងទៅវិញ។
«រីឯផលផ្លែរបស់ព្រះវិញ្ញាណវិញ គឺសេចក្ដីស្រឡាញ់ អំណរ សេចក្ដីសុខសាន្ត សេចក្ដីអត់ធ្មត់ សេចក្ដីសប្បុរស ចិត្តសន្ដោស ភាពស្មោះត្រង់ ចិត្តស្លូតបូត និងការចេះគ្រប់គ្រងចិត្ត គ្មានក្រឹត្យវិន័យណាទាស់នឹងសេចក្ដីទាំងនេះឡើយ» ~កាឡាទី ៥៖២២-២៣។
ការមើលថែទាំខ្លួន នោះមិនចាំបាច់ត្រូវការឱ្យមានការផ្លាស់ប្រែយ៉ាងលំបាកទេ។ វាតម្រូវឱ្យមានការបង្កើតទម្លាប់សាមញ្ញពីរបី ហើយបន្ទាប់មក ត្រូវបន្តដើរតាម និងបំពេញតាមតម្រូវការទាំងនោះ។
ឧទាហរណ៍ក្នុងការមើលថែទាំខ្លួនក្នុងផ្នែកខាងវិញ្ញាណ អ្នកអាចប្ដេជ្ញាចិត្តថាត្រូវអានព្រះគម្ពីរនិងអធិស្ឋានជារៀងរាល់ថ្ងៃ។ ចំពោះខ្ញុំ ខ្ញុំចូលចិត្តយកពេលស្ងៀមស្ងាត់ ដោយប្រព្រឹត្តការនេះមុនដំបូងគេនៅពេលព្រឹក ប៉ុន្តែអ្នកប្រហែលជាអាចស្វែងរកពេលណាផ្សេង ដែលល្អសម្រាប់អ្នកជាង។ រួចហើយ ចូរនៅបន្តជ្រាបដឹងពីពេលវេលាបន្ថែមទៀតជាមួយព្រះ តាមតែអ្នកត្រូវការ។ ដូចជាឧទាហរណ៍ នៅពេលខ្ញុំកំពុងតែដើរឆ្លងកាត់អ្វីមួយដែលលំបាក នោះពេលខ្លះ ខ្ញុំយកពេលវេលាបន្ថែម ដើម្បីយកទៅកត់ត្រាក្នុងកំណត់ហេតុ។
ជាមួយនឹងការមើលថែទាំខាងផ្នែករូបកាយ ការគេង ការទទួលទាន និងការហាត់ប្រាណ នោះគឺជាសសរស្ដម្ភនៃសុខភាពល្អ។ ការចូលគេងបានទៀងទាត់ ការទទួលទានចំណីអាហារដែលនាំឱ្យអ្នកមានអារម្មណ៍និងសុខភាពល្អ ហើយនិងការចំណាយពេលធ្វើលំហាត់កាយ (មានសកម្មភាពរូបកាយ) អាចនាំឱ្យមានការផ្លាស់ប្រែដ៏ល្អប្រពៃទៅលើសុខភាពរូបកាយរបស់អ្នក។ ដើម្បីចាប់ផ្ដើម ចូរសាកល្បងអ្វីមួយដែលសាមញ្ញ ដូចជាការដាក់ការរំឭក "ត្រៀមខ្លួនចូលគេង" នៅលើទូរស័ព្ទរបស់អ្នក។ បន្ទាប់មក ព្យាយាមបន្ធូរបន្ថយអ្វីៗ ដើម្បីឱ្យអ្នកអាចមានពេលគ្រប់គ្រាន់ដើម្បីគេង។
ជាមួយនឹងការមើលថែទាំខ្លួនក្នុងផ្នែកខាងអារម្មណ៍ យើងត្រូវការចំណាយពេលសម្គាល់ពីសម្ពាយផ្លូវអារម្មណ៍ទាំងឡាយ ដែលយើងកំពុងតែផ្ទុកដាក់នៅលើខ្លួន ដើម្បីឱ្យយើងអាចថ្វាយការអស់ទាំងនោះទៅព្រះឱ្យបានទៀងទាត់។
«ចូរផ្ទេរគ្រប់ទាំងទុក្ខព្រួយរបស់អ្នករាល់គ្នាទៅលើព្រះអង្គ ដ្បិតទ្រង់យកព្រះហឫទ័យទុកដាក់នឹងអ្នករាល់គ្នា»។ ~ ១ ពេត្រុស ៥៖៧
សម្រាប់រូបខ្ញុំ មានការបង្ហូរអារម្មណ៍កើតឡើងយ៉ាងច្រើន នៅអំឡុងពេលអធិស្ឋាននាពេលព្រឹករបស់ខ្ញុំ។ ប៉ុន្តែមានពេលខ្លះ ខ្ញុំមានរឿងមួយចំនួនដែលខ្ញុំត្រូវដោះស្រាយ ដូច្នេះខ្ញុំត្រូវការពេលបន្ថែម នៅពេលក្រោយ ដើម្បីអធិស្ឋាន ក្នុងថ្ងៃនោះ ឬយកវាទៅពិភាក្សាជាមួយមិត្តរបស់ខ្ញុំ។
ចុងបញ្ចប់ ចំពោះការមើលថែទាំខ្លួនក្នុងផ្នែកចិត្តគំនិត នោះយើងត្រូវតែមានស្មារតីដឹងពីអ្វីៗដែលយើងអនុញ្ញាតឱ្យចូលមកក្នុងចិត្តគំនិតរបស់យើង ហើយនិងអ្វីដែលយើងអនុញ្ញាតឱ្យវាបន្តនៅទីកន្លែងនោះ។
ដូចគម្ពីរ រ៉ូម ១២៖២ ពន្យល់ថាយើងពុំអាចរក្សាជំហរបែបហៃអើចំពោះអ្វីៗដែលចូលមកក្នុងចិត្តគំនិតរបស់យើងបានទេ៖ «មិនត្រូវត្រាប់តាមសម័យនេះឡើយ តែចូរឲ្យបានផ្លាស់ប្រែ ដោយគំនិតរបស់អ្នករាល់គ្នាបានកែជាថ្មី ដើម្បីឲ្យអ្នករាល់គ្នាអាចស្គាល់អ្វីជាព្រះហឫទ័យរបស់ព្រះ គឺអ្វីដែលល្អ អ្វីដែលព្រះអង្គគាប់ព្រះហឫទ័យ ហើយគ្រប់លក្ខណ៍»។
នេះគឺមានន័យថាយើងត្រូវការបដិសេធមិនទទួលយករាល់សេចក្ដីកុហក និងសារអវិជ្ជមានទាំងឡាយណាពីលោកិយ ហើយផ្ដោតចិត្តទៅលើអ្វីដែលព្រះមានបន្ទូលថាយើងជានរណានៅក្នុងអង្គព្រះគ្រីស្ទនោះវិញ។ ប្រសិនបើមានគំនិតណាមួយចូលមកក្នុងការគិតរបស់អ្នក ទាំងធ្វើឱ្យអ្នកមានអារម្មណ៍ថាអ្នកគ្មានតម្លៃ មិនមាននរណាចង់បាន មិនមាននរណាស្រឡាញ់ ឬអន់ដោយភាពមិនគ្រប់គ្រាន់ នោះអ្នកត្រូវការប្រយុទ្ធតតាំងវាជាមួយនឹងសេចក្ដីពិត ដែលចេញមកពីព្រះបន្ទូលនៃព្រះ ដែលថាអ្នកជាមនុស្សពិតមានពេញដោយក្ដីស្រឡាញ់វិញ!
«មើល៍! ព្រះវរបិតាបានប្រទានសេចក្ដីស្រឡាញ់យ៉ាងណាដល់យើង ដែលយើងមានឈ្មោះថាជាកូនរបស់ព្រះ ហើយយើងពិតជាកូនរបស់ព្រះអង្គមែន!» ~ ១ យ៉ូហាន ៣៖១
ព្រះស្រឡាញ់អ្នក ហើយព្រះអង្គមានព្រះទ័យចង់ឱ្យអ្នកចេះស្រឡាញ់ខ្លួនដែរ។
ប្រសិនបើអ្នករីករាយជាមួយនឹងគម្រោងអាននេះ នោះអ្នកនឹងស្រឡាញ់ ការចាត់ចែងពេលវេលាតាមព្រះ៖ អំណរនៃការទុកចិត្តទៅលើគម្រោងផែនការពេញដោយក្ដីស្រឡាញ់សម្រាប់អ្នក។
ការចាត់ចែងពេលវេលាតាមព្រះ គឺជាសៀវភៅមួយ ដែលនាំអ្នកឱ្យសម្លឹងមើលកាន់តែជ្រៅទៅក្នុងវិធីនៃយុទ្ធសាស្រ្តដែលដាក់ព្រះជាស្នូលកណ្ដាលនៅក្នុងការចាត់ចែងពេលវេលា។ មានភាពតានតឹងតិចជាង ហើយមានព្រះពរច្រើនជាង!
ស្វែងយល់បន្ថែមពីសៀវភៅ និងរុករកមើលពីធនធានដទៃផ្សេងទៀតតាមរយៈ http://www.DivineTimeBook.com
អត្ថបទគម្ពីរ
អំពីគម្រោងអាននេះ
ការចាត់ចែងពេលវេលាតាមបែបប្រពៃណី នោះអាចនាំឱ្យកើតមានភាពតានតឹង នៅពេលដែលគោលដៅនោះ គ្រាន់តែដើម្បីឱ្យជីវិត "ស្ថិតក្រោមការគ្រប់គ្រង" ដោយកម្លាំងនិងការលត់ដំផ្ទាល់ខ្លួនរបស់យើង។ ប៉ុន្តែព្រះគម្ពីរប្រាប់ដល់យើង ថាយើងអាចទទួលបានភាពសុខសាន្...
More
