ការប្រើប្រាស់ពេលវេលារបស់អ្នកសម្រាប់ព្រះជាម្ចាស់គំរូ

"លោះពេលវេលារបស់លោកអ្នក"

ពេលវេលាគឺជាភ្នាក់ងារសមភាពដ៏សច្ចៈ។ វាជាអ្នកផ្ដល់ធនធានពិតប្រាកដមួយ ដល់អស់គ្រប់ទីកន្លែងនៅក្នុងសង្គម ហើយគេរាប់ចាត់វាទុកថា ជាអ្នកគោរពចំពោះភាពស្នើគ្នាយ៉ាងជាក់លាក់។ មនុស្សគ្រប់រូប មិនថានរណាឡើយ មាននូវពេលវេលា ដែលរាប់ជាម៉ោង ស្នើៗគ្នា សម្រាប់ឲ្យគេយកទៅប្រើប្រាស់ជាប្រចាំថ្ងៃ។ មនុស្សដែលគាត់មមាញឹក មិនទទួលបាននូវពេលវេលាពិសេសបន្ថែម សម្រាប់ថ្ងៃនិមួយៗរបស់គាត់នោះទេ។ ម៉ោងនាឡិកា ក៏មិនមានមនុស្សសំណព្វចិត្ដណាម្នាក់នោះដែរ។

យើងគ្រប់គ្នា មាននូវរង្វាស់ពេលវេលា ស្នើៗគ្នាក្នុងរយៈពេលមួយថ្ងៃៗ។ អ្វីដែលជាភាពខុសគ្នារបស់យើងម្នាក់ៗ គឺជារបៀបដែលយើងចេះលោះ ឬ ប្រើប្រាស់ពេលវេលាដែលយើងទទួលបានទៅវិញ។ នៅពេលណា អ្វីមួយបានទទួលការបង់លោះ នោះមានន័យថា វាត្រូវបានសង្គ្រោះ ឬក៏ ទិញយកចេញពីស្ថានភាពអវិជ្ជមានមួយចំនួន។ អ្វីដែលជាស្ថានភាពអវិជ្ជមានដែលយើងព្រួយបារម្ម នោះគឺជាស្ថានភាពនៃការខ្ជះខ្ជាយពេលវេលារបស់យើង។ ការខ្ជះខ្ជាយចំពោះពេលវេលា មានន័យថា ជាការចំណាយពេលលើអ្វីដែលវា មិនសូវមានតម្លៃ ឬគ្មាននូវសារៈប្រយោជន៏។

មានលោកម្នាក់ឈ្មោះ វីនស៌ ឡុមបាឌី (Vince Lombardi) -- គាត់ជាកីឡាករបាល់ឱបដ៏ល្បីឈ្មោះម្នាក់ -- បាននែនាំនូវសុភាសិតបុរាណមួយឃ្លាថា៖ «ខ្ញុំមិនដែលចេញការប្រកួតណាមួយនោះឡើយ គ្រាន់តែខ្ញុំអត់មានពេលវេលាគ្រប់គ្រាន់តែប៉ុណ្ណោះ»។ ការពន្យល់មួយនេះ ចង្អុលបង្ហាញឲ្យខ្ញុំ ចាប់ផ្ដើមគិតអំពីសារធាតុពិតនៃល្បែងកីឡា--គឺវាជាការប្រកួតប្រជែងប្រណាំងជាមួយនឹងម៉ោងនាឡិកាទេតើ។ ក្រុមដែលគេចេះប្រើប្រាស់ពេលវេលា ទទួលបានផលច្រើនក្នុងម៉ោងដែលគេមាន គឺជាក្រុមដែលឈ្នះការប្រកួត។ ពិតប្រាកដមែន នៅក្នុងល្បែងកីឡា មិនដូចនៅក្នុងជីវិតទេ ក្រុមនិមួយៗ អាចស្នើសុំឲ្យបញ្ឈប់ពេលវេលា (timeout) ដើម្បីពិនិត្យពិច័យយុទ្ធសាស្រ្ដ។ ម្ល៉ោះហើយ ម៉ោងនៃការប្រកួត អាចបង្អាក់ឲ្យនៅនឹងមួយគ្រា។ ប៉ុន្តែនៅក្នុងជីវិតរស់នៅវិញ យើងមិនអាចមានការសុំបញ្ឈប់ពេលវេលានោះឡើយ។

ឃ្លាពាក្យ ឡាតាំង ចែងថា៖ «Coram deo» ដែលប្រែថា៖ «ចូររស់នៅចំពោះព្រះភ័ក្រ្ដរបស់ព្រះជាម្ចាស់»។

ចូរទូលសូមព្រះជាម្ចាស់ដើម្បីឲ្យទ្រង់បើកសំដែងនូវមាគ៌ា ជាប្រយោជន៏ឲ្យអ្នកបានលោះ ឬក៏ប្រើប្រាស់នូវពេលវេលាដែលអ្នកបានខ្ជះខ្ជាយនៅលើអ្វីដែលមិនសូវមានសារៈសំខាន់ ឬ គ្មានតម្លៃវិញ។

រក្សាសិទ្ធិដោយ ©ព័ន្ធកិច្ច ឡីហ្កណៀ។ អាចទទួលសៀវភៅមួយក្បាលដោយឥតគិតថ្លៃពី លោកគ្រូ អរ.ស៊ី. ស្ព្រូល (R.C. Sproul) តាមគេហទំព័រwww.ligonier.org/freeresource។