Blwyddyn Newydd: Dechrau NewyddSampl

Byw gyda Bywyd Newydd

Trwy’r proffwyd Eseciel, dŷn ni’n dysgu bod Duw yn cynnig calon newydd inni. Yn wahanol i drawsblaniad calon gorfforol, sy'n ymestyn ein bywyd daearol, mae'r trawsnewid ysbrydol hwn y mae Duw yn ei roi inni yn newid ein bywydau yn radical. Dysgodd Iesu fod materion bywyd yn deillio o'r galon. Fel y cyfryw, pan fydd Iesu yn rhoi calon newydd inni, mae pob agwedd ar ein bywydau yn cael ei effeithio. Trwy Grist, dŷn ni’n greadigaeth newydd, a'r hen bethau wedi marw, a phethau newydd wedi dod yn eu lle. Mae gynnon ni fywyd newydd.

Mae ein pechod wedi ei faddau. Mae ein heuogrwydd a'n cywilydd yn cael eu golchi ymaith. Nawr, mae ein brwydrau hyd yn oed yn ymddangos yn wahanol. Gan ein bod yn cael maddeuant, gallwn faddau. Dŷn ni wedi derbyn trugaredd fel y gallwn fod yn drugarog. Mae Creawdwr pob peth wedi ein gwerthfawrogi. Felly, does dim rhaid i ni brofi ein gwerth i unrhyw un, nid hyd yn oed i ni ein hunain!

Caiff ein hunanddelwedd ei wrth i ni weld ein hunain trwy lygaid yr un sy’n ein hadnabod orau ac sy’n ein hystyried yn deilwng o’i aberth e. Mae gynnon ni obaith tragwyddol sydd byth yn newid, er y gall amgylchiadau. Mae gynnon ni lawenydd sylfaenol sy'n disodli treialon a gorthrymderau'r bywyd hwn. Mae gynnon ni fywyd newydd.

Hyd yn oed gyda'n gwerth newydd, dydy hyn ddim yn golygu bod ein hamgylchiadau'n cael eu newid yn awtomatig. Hefyd, dydy e ddim yn golygu bod pobl eraill yn cael eu newid. Er enghraifft, gall ein bos annheg ac anoddefgar fod yn gas ac yn afresymol o hyd.

dŷn ni, fodd bynnag, yn wahanol. Gallwn weld pethau’n wahanol, deall pethau’n wahanol, ac ymateb yn wahanol i faterion bywyd. Mae hyn oherwydd ein bod yn "greaduriaid newydd yng Nghrist." Am gysyniad radical a thrawsnewidiol a ddisgrifiodd Iesu fel un "wedi ei eni eto." Gallwn fyw yn newydd oherwydd ein bod yn newydd. Mae gynnon ni fywyd newydd trwy Iesu Grist.